• (374) 060-70-44-70

3Խորեն և Շուշանիկ Ավետիսյանների անվան դպրոցն ու համայնքային կենտրոնը Երևանի Մալաթիա-Սեբաստիա վարչական շրջանում տարածաշրջանում առաջինն է ստացել «Էներգետիկայի և բնապահպանական նախագծման մեջ առաջնայնություն» (Leadership in Energy and Environ-mental Design, LEED, https://new.usgbc.org/leed) միջազգային հավաստագիրը: Սա նշանակում է, որ այն ցուցադրելու է բնական և տեխնածին ռեսուրսների արդյունավետ կառավարման փորձը վեց խոշոր ոլորտներում. հարակայուն օբյեկտներ, ջրօգտագործման արդյունավետության, էներգետիկա և մթնոլորտ, նյութեր և ռեսուրսներ, շենքերի ներսում բնապահպանական որակ և նորարարություն՝ ապահովելով համակեցություն շրջակա միջավայրի հետ: Դպրոցի համալիրը սեյսմիկ կարաններով բաժանված է  7 մասնաշենքի: Նրա շինարարությունն ավարտված է Կոպենհագենի UN City-ի նմանությամբ: Դպրոցական համալիրի բոլոր շենքերը անկախ և փոխկապակցված են սեյսմակայուն միացումով: Նախագծային այսպիսի լուծումը շենքերից յուրաքանչյուրին երկրաշարժի դեպքում թույլ է տալիս ցնցվել փոխկախյալաբար:

1546456_706459249437871_6587354117453396434_nՇինարարության և շահագործման փուլերում էներգախնայող և բնապահպանորեն մաքուր տեխնոլոգիաների կիրառման արդյունքում, ըստ ՄԱԶԾ-ի (ՄԱԿ-ի Զարգացման Ծրագրերի գրասենյակի) գնահատականի, շենքի էներգասպառումը կկրճատվի  30 տոկոսով, ինչը գերազանցում է ԵՄ և ԱՄՆ նույնիսկ ամենախիստ պահանջները: Դպրոցն ունի արևային եզակի մի համակարգ, որ կարող է ջերմություն, տաք ջուր և հոսանք ապահովել օդորակման համար: Աշխարհում ոչ մի տեղ դեռևս չի հաջողվել համատեղել այս երեքը:10394123_706900639393732_3601527860297017456_n

«Աննենբերգ» հիմնադրամի հովանավորության շնորհիվ շենքերի տանիքում տնկած խոտը, ծառերը և նույնիսկ բանջարեղենը ապահովում են ջերմամեկուսացում, ջեռուցման և զովացման նվազ ծախսատարություն: Տանիքի ամենաուշագրավ և խնայողական առանձնահատկությունը ջրապահպանումն է. անձրևաջուրը խողովակով տանիքն ի վար հոսում է դեպի ստորգետնյա զտման կայանք, որտեղ ջուրը զտվում և կուտակվում է ստորգետնյա հսկա ավազանում:

Ամբարված ջուրն այնուհետև օգտագործվում է կանաչ գոտիները, թփուտները, մարզադաշտի խոտածածկը ջրելու, զուգարանների լվացման համար: Դալար տանիքի սիզամարգը օգնում է նաև մեղմել հորդառատ ջրահոսքը, որը կարող է հեղեղել կոյուղին և ապականել կից գործող ջրուղիները: Աշակերտներն իրենք կարող են ջրել, խնամել կանաչ գոտին և գործնականորեն դիտել, հետևել բույսերի աճին: