Արեւմտահայ ամենասիրուած գրողներէն արձակագիր-գիւղագիր Համաստեղ, բուն անունով Համբարձում Կելէնեան, ծնած է Խարբերդի գիւղերէն Մեզրէի մէջ 1895, Նոյեմբեր 26-ին: Մէկ ուրիշ սիրուած արձակագիր Վահան Թոթովենցիի հայրենակիցն է:
Ան իր գրական ծածկանունը կազմած է իր ընտանիքի անդամներու անուններու սկզբնատառերով: Ոմանք կ՛ըսեն Համբարձում, Աստղիկ, Եղիսաբէթ-էն յառաջացուցած է իր գրչանունը, ուրիշներ կ՛ընեն՝ Համբարձում, Աստուր, Եղիա անուններէն:
Իր նախնական ուսումը ստանալէ ետք իր գաւառի դպրոցներուն մէջ, 1913-ին կը տեղափոխուի Միացեալ Նահանգներ, ուր ուսումը կը շարունակէ Գոլիւմպիա եւ Հարւարտ համալսարաններուն մէջ:
Գիւղագիր կոչուած է, քանի իր պատմուաքներուն հերոսները իր գիւղի մարդիկն են գիւղական հէնքի վրայ:
Իր գործերէն յիշենք՝ Գիւղը, Անձրեւ, Քաջ Նազար, Հայաստանի լեռներու սրնգահարը (տրամա), Առաջին սէր (Վիպակ) եւ այլ գործեր:
Իր իրապաշտական պատմուածքները կը կարդացուին հաճոյքով ու սիրով:
1966-Նոյեմբեր 26-ին,Լոս Անճելոսի մէջ իր 70-ամեակի յոբելենական հնադիսութեան ընթացքին, բեմին վրայ կ՛իյնայ ու կը մահանայ, ճիշդ իր ծնած օրը: Կը թաղուի Պոսթոն:
Յ. Մ.
