AMAA-ի Ավետիսյան դպրոցը ձգտում է դառնալ Հանրապետությունում բացառիկ տեղ զբաղեցնող հանրակրթական հաստատություն, որը հիմնվելով հայ դպրության լավագույն ավանդույթների եւ ժամանակակից կրթական տեխնոլոգիաների նորագույն նվաճումների վրա՝ ունակ է ստեղծել աշակերտակենտրոն կրթական միջավայր.
- որտեղ երեխաները ժամանակակից կրթությանը զուգընթաց ստանում են ազգային, համամարդկային եւ քրիստոնեական արժեքների վրա հիմնված դաստիարակություն,
- որտեղ բոլորն են մասնակից ու պատասխանատու ուսումնական գործընթացների իրականացման եւ աշակերտների կրթական վերջնարդյունքների համար,
- որտեղ իրականացվում է ուսուցման բարձր արդյունավետություն՝ կրթական գործընթացներում ժամանակակից տեղեկատվական եւ կրթական տեխնոլոգիաների լայն կիրառությամբ,
- որտեղ շրջանավարտներն ունակ են կրթական ավելի բարձր մակարդակներում հետագա ուսումնառության եւ իրենց նախասիրությանը համապատասխան լիարժեք կարիերայի հասնելու համար՝ ինչպես Հայրենիքում, այնպես էլ արտերկրում:
