Ալեքսը հուսախաբ չի անի

Ալեքսը հուսախաբ չի անի

Հկտ 9, 2026 | Մեր սաների նվաճումները

Երբ դպրոցի տնօրեն Սարին Խաչիկյանը բեմ հրավիրեց 12-րդ դասարանի աշակերտ Ալեքս Դանղյանին, դահլիճը մինչեւ վերջ նրան ուղեկցեց բարձր ծափերով, որոնք երկար ժամանակ չէին լռում: Պատանին իրոք արժանի էր դրան. իր անկոտրում ձգտման շնորհիվ, համառ պարապմունքներին եւ մարզումներին զուգահեռ՝ Ալեքսը հաղթահարել էր նաեւ բոդիբիլդինգի եւ ֆիթնեսի ֆեդերացիայի 150-ժամյա տեսագործնական մարզումները եւ արդյունքում արժանացել բոդիբիլդինգի եւ ֆիթնեսի մարզչի կոչման եւ հավաստագրի:

Առաջինդասարանցի փոքրիկ, թմբլիկ Ալեքսի փոխարեն այժմ դասընկերների եւ ուսուցիչների շնորհավորանքներն է ընդունում ատլետիկ կազմվածքով, փայլուն մարզավիճակով, ուժեղ եւ պիրկ, հաստատակամ ժպիտով մի երիտասարդ: Միայն նրա համեստությունն է մնացել անփոփոխ:

Շուտով նա կավարտի դպրոցը: Իսկ առայժմ սովորում է բոլոր առարկաները եւ ամենից շատ սիրում է մաթեմատիկան:

«Ի՞նչ մասնագիտություն ես ընտրել» հարցին Ալեքսը պատասխանում է.

‒ Թող դա մնա իմ գաղտնիքը: Կարեւորը՝ ֆիզիկապես եւ հոգեպես ես պատրաստ եմ եւ հուսախաբ չեմ անի:

 

Մարզական կյանք

Մարզական կյանք

Հկտ 2, 2026 | Մեր առօրյան

Ավետիսյան դպրոցի ֆուտբոլի, շախմատի եւ ռազմամարզական ընտրանիները մասնակցեցին Մալաթիա-Սեբաստիա համայնքի թաղապետարանի կողմից անցկացված մրցումների համայնքային փուլին: (ավելին …)

Ձոն անկախությանը

Ձոն անկախությանը

Սպտ 21, 2026 | Մեր առօրյան

Այդ պատասխանատվությունը նաեւ մերն է

«Անկախությունը պետություն կառուցելու ամենօրյա աշխատանք է: Այն պատասխանատվություն է սեփական երկրի, ժողովրդի եւ ապագա սերունդների հանդեպ: Եվ այսօր այդ պատասխանատվությունը նաեւ մերն է»: (ավելին …)

Գա՜լդ բարի, հրաշալի՛ տարի

Գա՜լդ բարի, հրաշալի՛ տարի

Սպտ 2, 2026 | Մեր առօրյան

«2026-2027-ը մեր համախումբ եւ համերաշխ աշխատանքով դարձնե՛նք բացահայտումների եւ թռիչքների ուսումնական տարի, հրաշալի տարի»:

Գիտելիքի օրվան նվիրված բացօթյա հանդեսում դպրոցի նախկին ակադեմիական դեկան, իսկ նոր ուստարվանից տնօրեն Սարին Խաչիկյանի այս ուղերձն ուղղված էր Ավետիսյան դպրոցի մեծից փոքրին, առաջինից մինչեւ տասներկուերորդ դասարաններ, աշխատակազմից մինչեւ ծնողական հանրություն: (ավելին …)