Մրտ 24, 2025 | Մեր առօրյան
«Կարմիր կակաչները ներկել են դաշտերը…»
Մեր ազգային զարթոնքի սիրված երգի ներքո առաջ են գալիս «կարմիր կակաչիկները»: Խրոխտ քայլերով նրանց են միանում փոքրիկ քաջորդիները, եւ Ավետիսյան դպրոցի նախակրթարանի ավագ նախադպրոցական խմբի սաների շուրթերով, երգ ու պարի ուղեկցությամբ «շարադրվում» է հայ ժողովրդի բազմադարյա հերոսամարտի պատմությունը՝ Վարդանանցից մինչեւ այսօր, դարերով, դրվագներով, անուններով (դաստիարակչուհի՝ Ա.Կիրակոսյան, դաստիարակի օգնական՝ Մ.Բաբայան, երաժիշտ դաստիարակ՝ Հ.Արշակյան, պարուսույց՝ Ռ.Ղասաբօղլյան): (ավելին …)
Մրտ 11, 2025 | Մեր առօրյան
ՀՀ ԳԱԱ Բյուրականի աստղադիտարանի տնօրեն, աստղագետ, ֆիզիկոս եւ մաթեմատիկոս Արեգ Միքայելյանը Ավետիսյան դպրոց էր այցելել կրթահամալիրի տնօրեն տիկին Մ. Գեղամյանի հրավերով: (ավելին …)
Մրտ 6, 2025 | Մեր առօրյան
Ամենամեծ պարգեւը
Ինչպես հայտնի է, ՀՀ ԿԳՄՍ նախարարության աջակցությամբ իրականացվող «Սիմֆոնիկ ԴասА» նախագիծը նպատակ ունի դպրոցական տարիքից հետաքրքրություն, ըմբռնում, համակրանք, նաեւ երաժշտական ճաշակ ձեւավորելու դասական երաժշտության հանդեպ։ Եվ Ավետիսյան դպրոցում դա աներկբա հաջողվել է: Ահա թե ինչու կրթահամալիրի բեմ դուրս եկած դասվար-երաժիշտների ողջույնի խոսքն ամեն անգամ խլանում է դահլիճի ծափողջույնների մեջ: (ավելին …)
Մրտ 3, 2025 | Մեր առօրյան
«Գնացեք, տեսեք՝ ով է կերել այծը…»
Ավանդական ծիսական երգով է սկսվում տոնախմբությունը Ավետիսյան կրթահամալիրում: Բեմում են մեր հազարամյա ծիսական տիկնիկները. ոչ մեկը բացակա չէ, քանզի Բարեկենդանի տոնն առանց նրանց պատկերացնելն անհնար է: Ահա՛ Ակլատիզը. նա առաջ է գալիս պարելով: Ահա՛ Երկար Օհանեսն ու Պատանեսը՝ իրենց հավերժական վեճով, որի հաղթողն, ինչպես միշտ, պետք է լինի Պատանեսը, այսինքն՝ պատանին, կյանքը, գարունը, նորը: Ահա՛ դահլիճը երկու խմբի է բաժանվել՝ ոգեւորելով աքլորակռվի ու գոմշակռվի ելածներին, պարանը ձգողներին: (ավելին …)
Փտր 27, 2025 | Մեր առօրյան
Մայրենին՝ ամեն օր
Մայրենիի պաշտպանությունն Ավետիսյան դպրոցում սկզբունքային հարց է: Ահա թե ինչու այն չի ամփոփվում միայն Մայրենի լեզվի պաշտպանության միջազգային օրվա մեջ: Այդ օրը պարզապես յուրատեսակ հանրագումարի է բերվում մեր ոսկեղենիկ լեզվի մաքրության համար ամբողջ տարի չընդհատվող տքնաջան աշխատանքը: Փետրվարի 21-ը հրաշալի առիթ է՝ ի ցույց դնելու մինչ եւ այդ կատարված եւ, անշուշտ, շարունակելի անելիքները: (ավելին …)
Փտր 25, 2025 | Մեր առօրյան
Մեկ շաբաթ տեւեցին Զորավար Անդրանիկի 160-ամյակին նվիրված հրաձգության մրցումները Ավետիսյան դպրոցում (զինղեկ՝ Եփրեմ Մազմանյան): Մասնակցեցին 8-10-րդ դասարանների 200-ից ավելի պատանիներ: 25-ից բարձր միավոր հավաքած նշանառուները պարգեւատրվեցին վետերանների միության «Գերազանց կրակային պատրաստություն ցուցաբերելու համար» պատվոգրով: (ավելին …)
