Միացյալ դաս. Ավետիսյան դպրոց + «Էվրիկա»

Միացյալ դաս. Ավետիսյան դպրոց + «Էվրիկա»

Մյս 31, 2022 | Մեր առօրյան

Քիմիան կարող է… մտերմացնել

Այնքան էլ հաճախ չի պատահում, որ քիմիայի դասն անցկացվի ժպիտով: Բայց այս անգամ հակառակը պարզապես անհնար էր: Բանն այն է, որ մայիսի 31-ին «Մեկ ձայն» անկախ դպրոցների հայկական ասոցիացիայի անդամներ Ավետիսյան եւ «Էվրիկա» դպրոցների 8-րդդասարանցիների՝ քիմիայից ուստարվա վերջին դասն անցկացվեց միացյալ կերպով: Դասը վարեց Ավետիսյան դպրոցի քիմիայի ուսուցչուհի Ծովիկ Մանուկյանը: Թեման ավելի, քան հետաքրքիր էր՝ «Անօրգանական նյութերի դասերը»: Տեսական նյութը աշակերտներն ամրապնդեցին հենց տեղում իրենց իսկ կատարած փորձերով: (ավելին …)

Հրաժեշտ «Այբբենարանին»

Հրաժեշտ «Այբբենարանին»

Մյս 31, 2022 | Մեր առօրյան

Վաթսունվեց փոքրիկ ավետիսյանցիներ ասես մի օրվա ընթացքում «մեծացան», մեծ մարդ դարձան՝ տառաճանաչ, գրող, կարդացող, տառ ու թիվ հասկացող: Այսօր նրանք փակեցին իրենց առաջին դասագրքի վերջին էջը և գեղեցիկ ու գրագետ հայերենով, ուրախ տոնակատարությամբ ազդարարեցին ամբողջ Ավետիսյան դպրոցին.

— Մենք հրաժեշտ ենք տալիս «Այբբենարանին»… (ավելին …)

Նոր մրցախաղ

Նոր մրցախաղ

Մյս 30, 2022 | Մեր առօրյան

«Բանասեր» խաղը՝ Բանասերի միջազգային օրը

Ավետիսյան դպրոցի արդեն ավանդական դարձած մրցախաղերին («Բարդի», «Դասարանապատկեր», «Էրուդիտ», «Հետաքրքրաշարժ ֆիզիկա», «Ուրախ մաթեմատիկա» և այլն) ավելացավ ևս մեկը: Մտահղացման հեղինակները՝ հայոց լեզվի և գրականության երիտասարդ ուսուցչուհիներ Անի Օհանյանը և Զվարթ Ամբրոյանը, այն անվանել են «Բանասեր»: Եվ պատահական չէր, որ մրցութային առաջին խաղն անցկացվեց հենց Բանասերի միջազգային օրը՝ մայիսի 25-ին: (ավելին …)

Մեր հյուրասրահը. Լարա Չոլաքյան

Մեր հյուրասրահը. Լարա Չոլաքյան

Մյս 24, 2022 | Մեր առօրյան

  • Ճանապարհ դեպի մասնագիտություն
  • Չբավարարվել լոկ ակադեմիական ուսումով
  • Դուք պետք է զարգացնեք հայկական շուկան

«Ի՞նչ կասեք այն մարդու մասին, ով եկամտաբեր աշխատանքով հեշտորեն լուծում է իր նյութական խնդիրները, սակայն  զբաղվում է ոչ իր սրտի ուզած գործով»: Այսպիսի հարցադրումներով, աշխույժ երկխոսության ձևով վարեց զրույցը 8-10-րդ դասարանի աշակերտների հետ «ՎիվաՍել-ՄՏՍ Հայաստան»-ի մարդկային ռեսուրսների վարչության ղեկավար Լարա Չոլաքյանը: (ավելին …)

Ծափեր ապագա դերասաններին

Ծափեր ապագա դերասաններին

Մյս 23, 2022 | Մեր առօրյան

Բեմադրիչի վարպետություն և հարուստ փորձ՝ մի կողմից, դերասանական ձիրքով օժտված պատանիներ՝ մյուս կողմից: Եվ համառ աշխատանք: Ավետիսյան դպրոցի թատերական խմբակի ներկայացումների հաջողության բանաձևն է սա: Դրա հիմնավորումը եղավ խմբակի վերջին ներկայացումը, որը ևս մեկ անգամ փաստեց, որ խմբակի առաքելությունն է նպաստել աճող սերնդի թատերական ճաշակի ձևավորմանը և մեր գրականությունը ավելի լայնորեն ճանաչելուն: (ավելին …)