Ապր 25, 2022 | Մեր առօրյան
«Հայ կրթություն» կրթական հիմնադրամի Ավետիսյան դպրոց և համայնքային կենտրոնը, հայտարարում է 2022–2023 ուսումնական տարվա ընդունելություն.
- նախակրթարան (4 տարեկան` ծնված 01.01.2018 – 31.12.2018 թթ.)
- 1-ին դասարան (ծնված 01.01.2016 – 31.12.2016 թթ.):
Ընդունելության հայտադիմումներն անհրաժեշտ է ուղարկել ս/թ 26.04.2022 թ. մինչև 26.05.2022 թ.-ը նշված էլեկտրոնային փոստին. info@avedisianschool.am
Մանկապարտեզ և առաջին դասարան ընդունելության համար անհրաժեշտ է ներկայացնել հետևյալ փաստաթղթերը.
- Դիմորդի 3×4 չափսի 1 լուսանկարի էլեկտրոնային տարբերակը,
- Դիմորդի ծննդյան վկայականի պատճենը,
- Դիմորդի և ծնողների ՀԾՀ համարները (սոցքարտ),
- Երկու ծնողների անձնագրերի պատճենները,
- Բնակչության պետական ռեգիստրում հաշվառված լինելու մասին տեղեկանք (ՀՀ ոստիկանության անձնագրային բաժին, հաշվառման տեղեկանք):
- Դիմումը ներբեռնել էլեկտրոնային կայքից հետևյալ հղումով՝
Դպրոցի դիմում Նախակրթարանի դիմում
Երեխայի առողջության մասին տեղեկանքը (նախկին 26 ձև), ներկայացնել ընդունվելուց հետո:
Այն անձինք, ովքեր վերոնշյալ փաստաթղթերը էլեկտրոնային փոստով ուղարկելու հնարավորություն չունեն, դրանց թղթային տարբերակները կարող են ծրարված թողնել կրթահամալիրի պահակակետում (Հարավ-Արևմտյան Բ-4 թաղամաս, Առնո Բաբաջանյան փողոց 42/7)։
Հարցերի համար զանգահարել 043 00 23 14:
Դիմել կարող են միայն Մալաթիա–Սեբաստիա համայնքի գրանցված բնակիչները:
Գործերը ծրարով կարող եք ներկայացնել երկուշաբթիից ուրբաթ՝ ժամը 10.00-ից մինչև 13.00։ Խորհուրդ ենք տալիս նաև բաց չթողնել պետական դպրոցում Ձեր երեխային գրանցելու հնարավորությունը:
Դիմումները մերժելու դեպքում որևէ բացատրություն չի տրվում:
Ապր 22, 2022 | Մեր առօրյան
22-ը ապրիլի, ուրբաթ: Մեծ եղեռնի զոհերի հիշատակի ավանդական օրվանից երկու օր առաջ Ավետիսյան դպրոցի բակից դեպի Ծիծեռնակաբերդի հուշակոթող ձգվեց շուրջ երեք տասնյակ ավտոբուսների շարանը, որին սկզբից և վերջից ուղեկցում էին ճանապարհային ոստիկանության մեքենաները: Դպրոցի տնօրենության որոշմամբ թե՛ օրվա ընտրությունը և թե՛ ոստիկանական ուղեկցությունն արված էին 700-ից ավելի աշակերտության, ծնողների և մանկավարժների անվտանգության ապահովման նկատառումներով: (ավելին …)
Ապր 22, 2022 | Մեր առօրյան
Գինեձոն Ասկերանում
Սոնա Ղահրամանյան. այս անունը մի օր ճանաչված կդառնա ընթերցող հասարակության շրջանում: Հուսով ենք և հավատում ենք: Ապացույցը 10-րդ դասարանի աշակերտուհի Սոնայի առաջին գիրքն է՝ առաջին վիպակը, որի շնորհանդեսը տեղի ունեցավ ապրիլի 20-ին նրա հարազատ Ասկերանի Էդմոն Բարսեղյանի անվան միջնակարգ դպրոցում: (ավելին …)
Ապր 15, 2022 | Մեր առօրյան
Զատկական շաբաթվա Ավագ ուրբաթ՝ դասավարտի զանգից անմիջապես հետո, Ավետիսյան դպրոցն ամբողջ կազմով «դուրս հորդեց» բակ: Կայծակնային արագությամբ ձևավորվեցին տոնավաճառի սեղանիկները՝ մեկը մյուսից հարուստ, գունագեղ, գայթակղիչ: Եվ ապրիլյան պայծառ ու արևոտ երկնքի տակ սկսվեց Հարության տոնին նվիրված ցուցահանդես-վաճառքը: Նախակրթարանից, տարրական դասարաններից և, ընդհանրապես, ամբողջ միջնակարգ դպրոցից տոնավաճառին անմասն չէր մնացել բառացիորեն ոչ ոք. լայնարձակ բակում, ինչպես ասում են, ասեղ գցելու տեղ չկար… (ավելին …)
Ապր 15, 2022 | Մեր առօրյան
Նկարներում՝ աշխատանքային պահեր, խորհրդատվություն AMAA-ի Հայաստանի մասնաճյուղի տնօրեն Հարութ Ներսեսսյանից, աշխատանքային քննարկումներ, մրցույթ-տոնավաճառի տաղավարում, հաղթողի հավաստագիրը։ (ավելին …)
Ապր 7, 2022 | Մեր առօրյան
Մատչելի և հասկանալի
Այս անգամ ավետիսյանցիների հյուրերն էին ՏՏ ոլորտում ակնհայտ հաջողությունների հասած ծրագրավորողներ Ռուբեն Մեսչյանը («Ծրագրավորման արվեստը») և Վազգեն Հակոբջանյանը (Teamable, YerevaNN): (ավելին …)
