Դկտ 2, 2021 | Մեր առօրյան
«ԵՄ-ն հանուն երիտասարդության․ բանիմաց և ակտիվ երիտասարդներ հանուն ժողովրդավար Հայաստանի՝ այսօր և վաղը» ծրագրի շրջանակում, բոլոր փուլերում շրջանցելով մրցակիցներին, Ավետիսյան դպրոցի բանավեճի ակումբի թիմը դուրս եկավ հանրապետական փուլ: Համայնքային՝ վճռական փուլում բանավեճի թեման էր «Պետության համար տնտեսությունը պետք է գերակա լինի բնապահպանությունից»: Մերոնք հանդես եկան «կողմ» դիրքորոշմամբ և այն պաշտպանեցին մինչև վերջ՝ հիմնվելով փաստերի վրա:
Շնորհավորում ենք թիմի ղեկավար Անի Օհանյանին, թիմի անդամներ Գրիգոր Բարությանին, Նարե Ստեփանյանին, Դավիթ Վարձելյանին, քույրիկներ Անուշ և Գայանե Մանուկյաններին և անհամբեր սպասում նրանց ելույթին 2022-ի փետրվարին կայանալիք եզրափակիչ փուլում, որտեղ արդեն ներկայացված կլինեն բանավեճի հինգ թեմա:
Շարունակե՛ք աշխատել, սովորել ու զարգանալ, սիրելի՛ ակումբականներ: Մենք վստահում ենք ձեր ուժերին և հավատում, որ, ինչպես միշտ, բարձր կպահեք Ավետիսյան դպրոցի անունը:
Դկտ 2, 2021 | Մեր առօրյան
Այո՛, «գիրք կարդալը ծով մտնելու նման է» և «անկեղծությունը պարտավորությամբ չի լինում»…
Արդեն պատանի մեր «Գրական վերնատունը» (ղեկավար՝ Լ. Բախշյան) ընդունեց իր չորրորդ հյուրին՝ Հայաստանի վաստակավոր դերասան, սիրված արտիստ և հաղորդավար Խորեն Լևոնյանին: Երիտասարդության (և ոչ միայն) սիրելի դերասանին հրավիրելու խնդրանքով մեր գրասերները դպրոցի ղեկավարությանն էին դիմել դեռ խմբակի նորաստեղծ ժամանակ՝ անցած ուստարում, սակայն իրավիճակը հնարավորություն չտվեց իրագործելու նրանց ցանկությունը: Մինչդեռ առիթը կար. դա տաղանդավոր արձակագիր Վարդգես Պետրոսյանի «Վերջին ուսուցիչը» վիպակի քննարկումն էր, որը համընկավ Հայաստանի հանրային հեռուստատեսությունում այդ գործի հիման վրա նկարահանված (ռեժ.՝ Հ. Կբեյան) 16-մասանոց հեռուստասերիալի ցուցադրմանը, սերիալ, որտեղ ավարտական դասարանի վերջին ուսուցիչ Վահան Մամյանի կերպարը մարմնավորում էր Խորեն Լևոնյանը:
Եվ ահա «վերջին ուսուցիչը» Ավետիսյանի դահլիճում է: Անսալով սիրված դերասանին տեսնելու, լսելու, հարցեր տալու բազմաթիվ ցանկություններին՝ «Գրական վերնատունն» իր այս հավաքը վերածեց «ընդլայնված դասի»… ամբողջ ավագ դպրոցի համար:
Հանդիպման առաջին իսկ րոպեներից մթնոլորտը ջերմացրին վիպակից արված մեջբերումներն ու նրա քննարկումը: Այո՛, «գիրք կարդալը ծով մտնելու նման է» և «անկեղծությունը պարտավորությամբ չի լինում», այո՛, «ուրիշի բարությունը կարող է ծիծաղելի թվալ, եթե ինքդ բարի չես», այո՛, «ով սիրում է, նա սիրո դեսպանն է դառնում…»:
Եվ սկսվեց անկեղծ ու անմիջական զրույցը դերասանի և ավետիսյանցի պատանիների միջև: Մի երկա՜ր դաս էր դա մեծերի ու փոքրերի, ուսուցչի և աշակերտի, սիրո և հավատարմության, մարդկային լավագույն հատկանիշների, սխալվելու և ներելու մասին: Հյուրը անկեղծորեն պատասխանեց իրեն ուղղված բոլոր հարցերին, խոսեց իր ուղու, քաղաքացիական կեցվածքի, ստեղծագործական ծրագրերի մասին:
— Մենք պետք է ուժեղ լինենք ազգովին, մենք պետք է մեր արժանապատիվ կեցվածը պահպանենք ամենուր և ամեն ինչում: Սա՛ է մեր ազգային ամենամեծ արժեքը, որը ստեղծել, աշխարհում հաստատել և կյանքի գնով պահել ենք դարերում: Ուժե՛ղ եղեք,- հրաժեշտի պահին ասաց սիրված դերասանը:
Դահլիճի ջերմ ծափերի ներքո դպրոցի տնօրեն Մ. Գեղամյանը թանկագին հյուրին հանձնեց հուշանվերներ և 11-րդցիների պատրաստած անակնկալը՝ Խորեն Լևոնյան արվեստագետի «գեղարվեստական անձնագիրը»՝ փակ տուփի մեջ: Իսկ թե ինչ հատկանիշներով պիտի ճանաչեն այդ անձնագրի տիրոջն ամենուր, գաղտնիքը կիմանա ինքը… տուփը բացելուց հետո:
Դկտ 1, 2021 | Մեր առօրյան
Աշնան վերջին ամիսը նույնպես «բարեհաճ» գտնվեց՝ որևէ կերպ չխոչընդոտելով Ավետիսյան դպրոցի արտադասարանական և արտադպրոցական միջոցառումները:
Իսկ դրանք, ինչպես երևում է մեր լուսանկարչային ռեպորտաժից, բազմաբնույթ էին՝ մարզական մրցախաղերից մինչև թանգարանային այցեր և գիտական փնտրտուքներ:
Պատանի հետազոտողի ակումբ
Շատ հաճախ մենք տեսնում ենք ծառը, սակայն չգիտենք, թե ինչ է կատարվում նրա հետ: Համավարակի պայմաններում առանց համտեսելու հնարավո՞ր է որոշել, ասենք, սեղանին դրված պղպեղի քաղցր կամ կծու լինելը: Ինչի՞ց է, որ… Իսկ ինչո՞ւ….
Տալ հարցեր և գտնել դրանց պատասխանները, պրպտել, փորփրելով հասնել իրերի բնության խորքը: Մտածել ինքնուրույն, քանզի չկան պատրաստի պատասխաններ:
Նոյեմբերին այս սկզբունքներով սկսեց գործել Ավետիսյան դպրոցի պատանի հետազոտողի ակումբը, որը սիրով ղեկավարում է Ջինիշյան հիշատակի հիմնադրամում վերապատրաստում անցած ֆիզիկայի ուսուցչուհի Նարինե Մարգարյանը: Առաջին պարապմունքերն անցնում են ոգևորության մթնոլորտում, գիտական փոքրիկ բացահայտումները խանդավառում են պատանի հետազոտողներին: Եվ ի՞նչ իմանաս, թե այս պահին և հենց այստեղ՝ Ավետիսյան դպրոցում, հիմք չի դրվում գիտության մի նոր ճյուղի:
Ինչի՞ց է սկսվում հայրենիքը:
Պատասխանները բազմապիսի են, և բոլորն էլ՝ ճիշտ: Իսկ VI «ա» դասարանը (դասղեկ՝ Ժ. Թահմազյան) հայրենիքի ճանաչողության գործն սկսեց մայրաքաղաք Երևանի «ծննդյան վկայականից» և Էրեբունիի թանգարանից:
Նախակրթարանից մինչև տարրական և միջին դպրոց՝ սպորտից անբաժան. մեր մրցախաղերը՝ մարզահրապարակում և մարզադահլիճներում:
Նոյեմբերի վերջին II «գ»-ն (դասվար՝ Ս. Գրիգորյան) հրաժեշտ տվեց աշնանը:
Ճիշտ հակառակ իրականությանը՝ այդ հրաժեշտը լեցուն էր մանկական կենսախինդ երգ ու ծիծաղով, պայծառ գույներով, հայաստանյան աշնան բարիքներով և հայկական խոհանոցի ուտեստներով:
Իսկ մյուս՝ II «բ» դասարանը (դասվար՝ Լ. Սահակյան) մի անմոռաց օր անցկացրեց Ժողովրդական արվեստների թանգարանում:
Մեր փոքրիկ վարպետները մասնակցեցին թանգարանի կրթական ծրագրին և զարդանախշեր նկարեցին փայտե գորգերի վրա:
Նոյեմբերի 27-ը, ինչպես հայտնի է, հայ մեծ բանաստեղծ Եղիշե Չարենցի մահվան օրն է:
Նախօրեին բանաստեղծի տուն-թանգարանում նրա հիշատակը հարգեցին և նրա կյանքի նոր մանրամասներին ծանոթացան VII «գ» դասարանի պատանի չարենցագետները (դասղեկ՝ Ա. Սալնազարյան, գրականության ուսուցիչ՝ Լ. Ալեքսանյան):
Նյմ 30, 2021 | Մեր առօրյան
Արժանացել է ՌԴ ԼՆ պատվոգրին
Ս. թ. նոյեմբերի երկրորդ կեսին «Ավետիսյան դպրոց և համայնքային կենտրոն»-ի տնօրեն Մելանյա Գեղամյանը մասնակցեց Ռուսաստանի Դաշնության Լուսավորության նախարարության Լրացուցիչ մասնագիտական կրթության ասոցիացիայի «Սովորող ուսուցչի ինստիտուտ»-ի նախաձեռնությամբ անցկացվող միջազգային համաժողովին, որի թեման էր «Ռուսերենը՝ որպես մասնագիտական ճկունության գործիք. ավանդույթներ և նորարարություն»: (ավելին …)
Նյմ 24, 2021 | Մեր առօրյան
Ճարպկության և արագաշարժության տոնահանդեսի վերածվեց «Սպորտլանդիա» մրցույթը: Ավետիսյան դպրոցի չորրորդ դասարանների թիմերն էին՝ «Արարատ»-ը (IV «ա»), «Ուրարտու»-ն (IV «բ») և «Էջմիածինը» (IV «գ»), որոնք ազնիվ ու համառ պայքար մղեցին և արժանացան պատվոգրերի: Որոշ առավելություն ձեռք բերելով՝ դպրոցի մարզական գավաթին տեր դարձավ «Ուրարտու»-ն: Մրցակից ուժերը գրեթե հավասար էին, ուրախությունը՝ համընդհանուր, և իրականում հաղթեց ընկերությունը:
Նյմ 19, 2021 | Մեր առօրյան
20-21 ноября в РАУ пройдут мероприятия “Искусство слова: важные концепты русской культуры”, проводимые в рамках проекта “Русское культурное пространство сквозь призму языка”.
Проект реализуется в соответствии с поручением Министерства просвещения РФ.
Исполнитель – Институт непрерывного образования, имеющий большой опыт в проведении образовательных проектов, в том числе международных.
Партнер проекта – Российско-Армянский университет.
В программе мероприятий:
• Круглый стол “Перестать читать книги — значит перестать мыслить” (к 200-летию со дня рождения Ф.М. Достоевского и к 85-летию со дня смерти М. Горького);
• Конференция “Ключевые слова русской языковой картины мира”;
• Лекция “Не покидай свою планету” (к 220-летию со дня рождения В.И. Даля) – “Энциклопедия народной мудрости”;
• Мастер-класс “Учимся слушать с опорой на креолизованные тексты”.
Формат проведения мероприятий:
Очно-дистанционный
Место проведения мероприятий:
Республика Армения, город Ереван, ул. Овсепа Эмина, 123, Российско-Армянский (Славянский) университет.
Каждому участнику мероприятия будет направлен сертификат.
Для участия в мероприятиях необходимо зарегистрироваться по ссылке: Google Docs
