Սպտ 14, 2020 | Մեր առօրյան
Վաղ առավոտից տոնական երգն ու երաժշտությունը հուզումնալից մթնոլորտ են ստեղծել դպրոցի ընդարձակ բակում: Պահն ավանդական է՝ փուչիկներով, ծաղկեփնջերով, տոնական հարդարանքով: Բակում հավաքված փոքրիկների դեմքերին միախառնվել են ժպիտն ու հուզմունքը: Մի փոքր հեռվից ծնողները հետևում են իրենց բալիկներին:
Դպրոցի տնօրեն տիկին Մ. Գեղամյանը փոքրիկների ծնողներին ևս մեկ անգամ հիշեցնում է Երևան քաղաքի պարետի և առողջապահության նախարարի՝ նոր պայմանների վերաբերյալ հրահանգները, ծանոթացնում այդ կապակցությամբ դպրոցում իրականացված քայլերին, շնորհավորում ուսումնական տարեսկզբի կապակցությամբ և փոքրիկներին հրավիրում է ներս:
Ավետիսյան կրթահամալիրի ամբողջ ուսուցչակազմի ծափերի և ողջերթի բացականչությունների ներքո իրենց դպրոց առաջին անգամ ոտք են դնում 65 առաջինդասարանցիներ, իսկ նորաբաց Ավետիսյան քոլեջի նախակրթարան՝ 49 փոքրիկներ:
Սեպտեմբերի 14, անմոռանալի օր, Ավետիսյան դպրոց: Եվ ոչ մի համավարակ չի կարող մթագնել այս խանդավառ տրամադրությունը:
Բարի՜ երթ ուսման խորախորհուրդ ուղիներում, սիրելի՛ փոքրիկներ:
Սպտ 13, 2020 | Մեր առօրյան
Սիրելի՛ աշակերտներ, ուսուցիչնե՛ր, անկախ նրանից, որ ուսումնական տարվա առաջին զանգը կհնչի սեպտեմբեր 14-ին՝ համաճարակով պայմանավորված մի շարք սահմանափակումներով, մարդկությունը միշտ կարեւորել է եւ 21-րդ դարում առավել ևս կարեւորում է գիտելիքը, ջանում այն օգտագործել ի բարօրություն հասարակության եւ մոլորակի մտավոր զարգացումը ներդաշնակեցնել հոգեւոր եւ մարմնական առողջությանը, կյանքում առաջնորդվել սիրո եւ համագործակցության մղումներով, որ մեր երեխաները վայելեն գիտության երջանկությունը, եւ ոչ թե դառնան նրա զոհերը:
Այո՛…. Նորից եկավ սեպտեմբեր, նորից աշնանամուտ է: Շնորհավորում եմ բոլորիդ նոր՝ 2020-2021 ուսումնական տարվա առթիվ, որը թևակոխում ենք` դարձած ավելի տոկուն, սեփական ուժերին ավելի վստահ:
Սեպտեմբերը ազդարարում է ուսումնական տարվա սկիզբը, որը նաև գիտելիքներով հարստանալու, իրական արժեքներ ճանաչելու և նոր նպատակներ կյանքի կոչելու սկիզբ է:
Տոնական այս օրը հատկապես առանձնակի ջերմությամբ ցանկանում եմ շնորհավորել բոլոր նրանց, ովքեր առաջին անգամ են ոտք դնում տարրական դպրոցի շեմին: Այս սեպտեմբերը թող դառնա նրանց լուսավոր ու մեծ ճանապարհի սկիզբը:
Նոր ուսումնական տարին պարտավորեցնող է բոլորիս համար, որովհետև կրթության բնագավառում իրականացվող բարեփոխումների հաջողությունը կախված է յուրաքանչյուրիս հետևողական աշխատանքից ու նվիրումից:
Հարգելինե՛րս, Ավետիսյան կրթահամալիրի ուսուցչական աշխատակազմը մինչև այս պահը անմնացորդ նվիրվածությամբ աշխատել է, որպեսզի այսօր մենք բարձր տրամադրությամբ ողջունենք ձեզ մեր կրթօջախում:
Որպես խթան նոր ուսումնական տարվա աշխատանքային տրամադրության` ուզում եմ խոսել նախորդ ուստարվա մեր ձեռքբերումների մասին:
Տարեկան արդյունքների ամփոփման տվյալներով դպրոցի գերազանց առաջադիմությամբ սովորողների թիվը 72 է, նրանցից 2-ը 12-րդ դասարանցիներ էին:
Մեր 16 շրջանավարտներից 14-ը հաջողությամբ հանձնել են միասնական քննություններ: Ավարտական քննությունների ընթացքում անբավարար արդյունք չի գրանցվել:
Պետական բուհեր են ընդունվել բոլոր մեր շրջանավարտները:
Թող այս ուսումնական տարին ևս լինի արգասաբեր, քանի որ մեր աշակերտներն ու ուսանողները որակյալ կրթությամբ են դնելու ոչ միայն սեփական կյանքի, այլև Հայաստանի ապագայի ամուր հիմքերը:
Հարգարժա՜ն ուսուցիչներ, կրթված քաղաքացին մեր ազգային արժանապատվության, մեր պետականության պահպանման, մեր երկրի զարգացման ու հզորացման, ազգային անվտանգության ապահովման կարևոր գործոնն է, որի երաշխավորը հանդիսանում եք դուք:
Տոնական այս օրը մեկ անգամ ևս առիթ է տալիս մեզ` կրթության գործընթացի բոլոր մասնակիցներիս` աշակերտից մինչև տնօրեն, վերագնահատելու գիտելիքի կարևորությունն ինչպես յուրաքանչյուր անհատի բարեկեցության, այնպես էլ մեր պետության զարգացման ու հզորացման գործընթացում: Կրթության ոլորտում համաշխարհային զարգացումներն այսօր հավաստում են, որ մեր կրթական համակարգի որակի և արդյունավետության բարձրացմանը միտված ծրագրերն այլընտրանք չունեն, ու բոլորիս ցանկալի արդյունքին հասնելու համար կարևորված է յուրաքանչյուրիս մասնակցությունը:
Իմ ջերմ շնորհավորանքներն ու բարեմաղթանքներն եմ հղում և ցանկանում, որ ուսումնառության ողջ ընթացքը մեր սաների համար լինի աշխարհաճանաչման ու ինքնադրսևորման լայն ճանապարհ: Յուրաքանչյուր աշակերտ մի ջահ է, որը պիտի բոցավառվի գիտելիքի նկատմամբ սիրով և սովորելու անսպառ ցանկությամբ:
Հետեւենք ՀՀ պարետի եւ առողջապահության նախարարության կողմից սահմանված կանոններին, որպեսզի մնանք առողջ եւ վերադառնանք բնականոն ուսումնական կյանքի:
Սիրելի՛ դպրոցականներ, անհրաժեշտ է, որ դուք նախևառաջ իմանաք ձեր սեփական լեզուն, մշակույթն ու պատմությունը, հպարտանաք մարդկային քաղաքակրթության մաս կազմող մեր հարուստ անցյալով և միշտ հիշեք, որ ձեր հայրենիքը Հայաստանն է, և ձեր ապագան պետք է կերտվի Հայաստանում, ձեր հայրենանվեր գործով, ձեր մտքի, տաղանդի ուժով, ստեղծագործ, արարող աշխատանքի շնորհիվ: Հիշե՛ք. իր հողի վրա ամուր կանգնած մարդու առջև բաց են լայնարձակ աշխարհի բոլոր հորիզոնները:
Եվս մեկ անգամ շնորհավորում եմ ուսումնական տարվա մեկնարկի կապակցությամբ: Մեզ բոլորիս ցանկանում եմ անամպ երկինք, անձնուրաց նվիրվածություն մեր ազատ ու անկախ հայրենիքի հզորացման գործում, հետաքրքիր հայտնություններով հարուստ ու հաջողություններով լի տարի, ուժ, կորով և առողջություն այդ առաքելությունն իրականացնելու ճանապարհին:
Բարի՛ երթ և բազում հաջողություններ նոր՝ 2020 — 2021 ուսումնական տարում:
Մելանյա Գեղամյան
Ավետիսյան դպրոցի տնօրեն, մ.գ.թ.
Հլս 29, 2020 | Մեր առօրյան
Խորեն և Շուշանիկ Ավետիսյանների անվան դպրոցը (www.avedisianschool.am)՝ հիմնադրված Ամերիկայի Հայ Ավետարանչական Ընկերակցության (www.amaa.am; www.amaa.org) կողմից՝ 1998թ., անվճար մասնավոր դպրոց է, որն ապահովում է 12-ամյա ընդհանուր միջնակարգ բացառիկ համապարփակ կրթություն սոցիալ-տնտեսական բոլոր խավերի երեխաների համար: Հպարտությամբ պետք է նշել, որ մեր ավագ դպրոցի շրջանավարտների 100% ընդունվում են բուհեր:
Հպարտանալով նաև Հայաստանում առաջին էկոլոգիապես մաքուր դպրոցը լինելու համար, Ավետիսյան դպրոցը նման չէ աշխարհում որևէ այլ դպրոցի: Այն զբաղեցնում է բացառիկ, ընդարձակ և բնապահպանական նկատառումներով նախագծված մի շինություն՝ կահավորված նորագույն և ամենաառաջատար տեխնոլոգիական հարմարություններով: Դպրոցն առաջինն է Հարավային Կովկասում LEED (Առաջնորդություն շրջակա միջավայրի և էներգետիկ նախագծման համար) արծաթե հավաստագրին արժանանալու համար: Լրացուցիչ տեղեկությունների համար այցելել՝ https://amaa.am/am/ծրագրեր/մանկական/ավետիսյան-դպրոց
Այս՝ խիստ նորարարական և Հայաստանում առաջին էկոլոգիապես մաքուր դպրոցը, մոտիվացնում է իր ուսուցիչներին հաճախելու սեմինարների՝ շարունակաբար բարելավելու իրենց դասավանդման հմտությունները և ուսումնասիրելու՝ սովորողների առավել լավ ուսուցմանն ուղղված ժամանակակից դասավանդման մեթոդներն ու գործիքները: Մենք խրախուսում ենք մեր ուսուցիչների շրջանում թարմ գաղափարների փոխանակումը՝ օգնելով նրանց աճել իրենց մասնագիտական զարգացման գործում:
Դիտել տեսանյութը
Դպրոցը փնտրում է հավակնոտ ՏՏ ուսուցչի՝ միանալու մեր նվիրված և տեսլական ունեցող ուսուցիչների հիանալի թիմին: Հաջողակ թեկնածուն պետք է ոգևորություն ցուցաբերի սովորելու և սովորեցնելու հարցում: Նա պետք է օգնի սովորողներին՝ նախապատրաստվել թվային աշխարհին և ՏՏ ոլորտի աշխատանքներին:
Աշխատանքային պարտականություններ
- Պատրաստել և անց կացնել ամենօրյա դասի պլանը
- Ուսումնական բոլոր առաջադրանքների համար սահմանել հստակ նպատակներ և դրանք հաղորդել սովորողներին
- Ապահովել կրթական առաջադրանքներում օգտագործվող մի շարք ուսումնական նյութեր
- Դիտարկել և գնահատել սովորողի աշխատանքը և զարգացումը
- Հանձնարարել և գնահատել դասարանային աշխատանքները, տնային աշխատանքները, գրավոր աշխատանքները և առաջադրանքները
- Պահպանել սովորողների առաջընթացի և զարգացման վերաբերյալ ճշգրիտ և ամբողջական գրառումներ
- Կառավարել դասարանում սովորողների պահվածքը
- Լրացուցիչ աջակցություն ցուցաբերել կրթական խնդիրներ ունեցող ուսանողներին
Աշխատանքային որակավորում
- Հավատարմություն դպրոցի արժեքների հանդեպ. https://avedisianschool.am/am/our-school/mission/
- Ոգևորություն՝ սովորելու հարցում
- Ոգևորություն՝ սովորեցնելու հարցում
- Հայաստանում դասավանդելու թույլտվություն
- Հայոց լեզվի լավ տիրապետում
- Դասավանդման փորձով՝ տեսլական ունեցող ուսուցիչ
- Գիտությունների բակալավրի կամ ավելի բարձր որակավորում
- Ուժեղ հաղորդակցման հմտություններ
- Խնդիրներ լուծելու ունակություն
- Արհեստավարժ՝ արտաքին տեսքով և վարվելակերպով
- Բազմաբնույթ առաջադրանքներ կատարելու ունակություն
- Էներգիայով լի անձնավորություն
- Աշխատանքային բարձր չափանիշներ
Ներկայացված պահանջներին համապատասխանող թեկնածուներից խնդրվում է իրենց ինքնակենսագրականը (CV) ուղարկել hr@avedisianschool.am և amaa.armenia@amaa.am էլեկտրոնային փոստի հասցեներին:
Հլս 11, 2020 | Մեր առօրյան
Khoren and Shooshanig Avedisian School, founded by the Armenian Missionary Association of America (www.amaa.am; www.amaa.org) in 1998, is a tuition-free private school that provides exceptional K-12 holistic education to children of all socio-economic classes. We boast 100% university admission of our High School graduates.
Proud to be the first eco-friendly school in Armenia, Avedisian is like no other school in the world. It occupies a cutting-edge, spacious and environmentally designed building, furnished with the latest and most advanced technological facilities. The school is the first in the South Caucasus to qualify for the LEED (Leadership in Energy and Environmental Design) Silver Certificate.
For more information, visit: https://amaa.am/en/programs/for-children/avedisian-school
This highly innovative and first environmental school in Armenia motivates its teachers to attend seminars, continuously improving their teaching skills and exploring state-of-the art teaching methods and tools for better student learning. We encourage the exchange of fresh ideas among our teachers, helping them grow in their professional development.
Watch the video
The school is looking for an ambitious IT teacher to join our outstanding team of dedicated and visionary teachers. The successful candidate will be passionate about learning and teaching. He will help students prepare for the digital world and careers in the IT field.
Job Responsibilities:
- Prepare and deliver daily lesson plans
- Establish and communicate clear objectives for all learning activities
- Provide a variety of learning materials for use in educational activities
- Observe and evaluate student’s performance and development
- Assign and grade classwork, homework, tests, and assignments
- Maintain accurate and complete records of students’ progress and development
- Manage student behavior in the classroom
- Provide extra assistance for students with academic problems
Job Qualifications:
- Adherence to the school’s values: https://avedisianschool.am/am/our-school/mission/
- Passionate about learning
- Passionate about teaching
- Permission to teach in Armenia
- Good command of the Armenian language
- Visionary teacher with teaching experience
- A bachelor’s or higher degree in science
- Strong communication skills
- Problem-solver
- Professional in appearance and demeanor
- Ability to multi-task
- High energy level
- High work standards
Qualified candidates are asked to send their CV’s to hr@avedisianschool.am and amaa.armenia@amaa.am
Հնս 30, 2020 | Մեր առօրյան
Խորեն և Շուշանիկ Ավետիսյանների անվան դպրոցը (www.avedisianschool.am)՝ հիմնադրված Ամերիկայի Հայ Ավետարանչական Ընկերակցության (www.amaa.am; www.amaa.org) կողմից՝ 1998թ., անվճար մասնավոր դպրոց է, որն ապահովում է 12-ամյա ընդհանուր միջնակարգ բացառիկ համապարփակ կրթություն սոցիալ-տնտեսական բոլոր խավերի երեխաների համար: Հպարտությամբ պետք է նշել, որ մեր ավագ դպրոցի շրջանավարտների 100% ընդունվում են բուհեր:
Հպարտանալով նաև Հայաստանում առաջին էկոլոգիապես մաքուր դպրոցը լինելու համար, Ավետիսյան դպրոցը նման չէ աշխարհում որևէ այլ դպրոցի: Այն զբաղեցնում է բացառիկ, ընդարձակ և բնապահպանական նկատառումներով նախագծված մի շինություն՝ կահավորված նորագույն և ամենաառաջատար տեխնոլոգիական հարմարություններով: Դպրոցն առաջինն է Հարավային Կովկասում LEED (Առաջնորդություն շրջակա միջավայրի և էներգետիկ նախագծման համար) արծաթե հավաստագրին արժանանալու համար: Լրացուցիչ տեղեկությունների համար այցելել՝ https://amaa.am/am/ծրագրեր/մանկական/ավետիսյան-դպրոց
Այս՝ խիստ նորարարական և Հայաստանում առաջին էկոլոգիապես մաքուր դպրոցը, մոտիվացնում է իր ուսուցիչներին հաճախելու սեմինարների՝ շարունակաբար բարելավելու իրենց դասավանդման հմտությունները և ուսումնասիրելու՝ սովորողների առավել լավ ուսուցմանն ուղղված ժամանակակից դասավանդման մեթոդներն ու գործիքները: Մենք խրախուսում ենք մեր ուսուցիչների շրջանում թարմ գաղափարների փոխանակումը՝ օգնելով նրանց աճել իրենց մասնագիտական զարգացման գործում:
Դիտել տեսանյութը
Հայտարարվում է մրցույթ «Հայ կրթություն» կրթական հիմնադրամի Ավետիսյան կրթահամալիրում հայոց լեզվի և գրականության, անգլերենի, տարրական դասարանների դասվարի, գրադարանավարի, պատմության, մաթեմատիկայի (ավագ դասարաններ), ինֆորմատիկայի և ֆիզկուլտուրայի ուսուցիչների թափուր տեղերի համար:
Համապատասխան աշխատանքային փորձը (նվազագույնը 3 տարի) պարտադիր է:
Ուսուցիչների համար նախատեսված վարձատրությունը որոշվում է` ըստ պայմանագրի: Մրցույթի մասնակիցների գիտելիքների և մասնագիտական կարողությունների ստուգումն անցկացվելու է երկու փուլով` ըստ կարգի:
Հաշվի առնելով հանրապետությունում ստեղծված իրավիճակը (COVID-19), խնդրվում է ներքոնշյալ փաստաթղթերն ուղարկել օնլայն տարբերակով armedf@yandex.ru էլեկտրոնային հասցեին` 01.07.2020-15.08.2020թթ.
Պահանջվող փաստաթղթեր`
1. Հանձնաժողովի անունով գրավոր դիմում` նշելով այն աշխատատեղը, որին հավակնում է (Ձեւ 1),
2. Փաստաթուղթ (դիպլոմ, գնահատականների ներդիր)` «Հանրակրթության մասին» ՀՀ օրենքի 26-րդ հոդվածի 1-ին մասի պահանջին համապատասխան որակավորման վերաբերյալ,
3. Անձնագրի պատճենը,
4. ՀԾՀ համարանիշ,
5. Ինքնակենսագրություն (Ձեւ 4),
6. Թափուր աշխատատեղը զբաղեցնելու համար մասնագիտական գիտելիքներին եւ աշխատանքային ունակություններին ներկայացվող պահանջների բավարարումը հավաստող փաստաթղթերի, հավաստագրերի պատճենները (դրանց առկայության դեպքում),
6. Մեկ լուսանկար` 3×4 չափի,
7. Այլ պետությունների քաղաքացիները` Հայաստանի Հանրապետությունում աշխատելու իրավունք,
8. ՀՀ արական սեռի քաղաքացիները ներկայացնում են նաև զինգրքույկ:
Ցանկացողները դիմեն հետևյալ հասցեով` ք. Երեւան, ՀԱԹ թաղամաս, Բաբաջանյան 42/7:
Տեղեկությունների համար զանգահարել` (043) 00-23-14 կամ (060) 70-44-70 հեռախոսահամարին:
