Ավետիսյան դպրոցի 12-րդ դասարանի աշակերտուհի Մելիքսեթյան Տաթևիկը սույն թվականի մարտի 4-ին մասնակցել է LCC Միջազգային համալսարանի կողմից կազմակերպված «Անգլերեն հանրային ելույթի 3-րդ միջազգային մրցության» հայաստանյան երկրորդ փուլին, որն անց է կացվել Ճարտարապետության և շինարարության Հայաստանի ազգային համալսարանում:
Տաթևիկի խոսքի վերնագիրն էր «My Dream of Peace»:
Նա ներկայացրեց աշխարհում և իր հայրենիքում խաղաղության հաստատման ուղիների իր պատկերացումը և դրանում մեծ ներդրում ունենալու իր երազանքը:
Մրցության ժամանակ մասնակիցներին բաժանեցին երեք խմբի, և ամեն խումբ զբաղեցրեց տարբեր լսարան: Ամեն մի լսարանում դատավորների ներկայությամբ մասնակիցները ներկայացրին իրենց խոսքը:
Երեք լսարարաններից ընտրեցին 3-ական լավագույն մասնակիցների, որոնք երրորդ փուլում կրկին ներկայացրին իրենց խոսքը:
Այս փուլում ընտրվեցին լավագույն մասնակիցներից երկու հոգի, ովքեր հնարավորություն ստացան անվճար սովորելու Լիտվայի համալսարանում և մասնակցելու Լիտվայում անցկացվելիք մրցության վերջին փուլին:
Մյուս մասնակիցները և նրանց անգլերենի ուսուցիչները ստացան հավաստագրեր:
Տաթևիկը շատ է կարևորում նման մրցությանը իր մասնակցության փաստը, քանի որ այն առիթ էր ներկայացնելու սեփական պատկերացումները, լսելու հասակակիցներին մտահոգող հարցերը, ինչպես նաև գնահատելու իր՝ անգլերենի իմացության իրական ծավալը:
