Հայոց լեզվի դասին
Ուսուցիչ – Ո՞ր ժամանակն է՝ ես մաքրում եմ, դու մաքրում ես, նա մաքրում է, մենք մաքրում ենք, դուք մաքրում եք, նրանք մաքրում են:
Աշակերտ – Երևի Նոր տարվան նախորդող ժամանակը:
Աշխարհագրության դասին
Ուսուցիչ – Կարո՞ղ ես ասել՝ ուր կհասնենք, եթե հասարակածում Երկրագունդը ծակելով խորանանք դեպի Երկրի ընդերքը:
Աշակերտ – Կարծում եմ՝ հոգեբուժարան:
Ուսուցիչ – Արդյո՞ք համակարգիչը չի օգնում դաս սովորելուն:
Աշակերտ – Համակարգիչը՝ ոչ: Իսկ համակարգիչ գնելու խոստումը՝ հաստատ:
— Ձմե՛ռ պապ, շատ շնորհակալ եմ նվերի համար:
— Չարժե, չարժե:
— Ես էլ եմ այդպես կարծում, բայց հայրիկն ասաց, որ շնորհակալություն հայտնեմ:
Բնագիտության դասին
Ուսուցիչ- Ի՞նչ ընդհանրություն ունեն պինգվինն ու ծիծեռնակը:
Աշակերտ – Ես կարծում եմ, որ պինգվինը նախկինում ծիծեռնակ է եղել, բայց Պույպույ մկան պես այնքան է կերել ու տռզել, որ պինգվին է դարձել:
Կատակում են ուսուցիչները:
-Քանի՜ անգամ եմ ասել. եթե խնդիրը շատ արագ ու հեշտ ես լուծել, ուրեմն սխալ ես լուծել:
Կատակում են ուսուցիչները
Ուսուցիչը ամսաթիվն է գրում գրատախտակին:
Աշակերտ – Սխալ եք գրում, այսօր ամսի 4-ն է:
Ուսուցիչ – Կյանքից հետ ես մնում, տղա՛ս, այսօր արդեն ամսի 5-ն է:
Ծնողների նամակագրություն Viber-ում
- Տղայիդ մաթեմատիկայի տնայինը կարողացա՞ր լուծել:
- Մի կերպ:
- Երանի քեզ: Կուղարկե՞ս արտագրեմ:
Հականիշներ՝ երրորդ դասարանցու տետրից
բարձր – ցածր
բարի – չար
խելացի – էշ
Ուսուցիչ – Դասից ուշացել ես 10 րոպեով:
Աշակերտ – Ես մեղավոր չեմ: Մայրիկս ամբողջ առավոտ չէր կարողանում լուծել խնդիրս:
Ֆիզիկայի դասին
Ուսուցիչ – Նյուտոնի օրենքի համաձայն՝ ազդումը միշտ ունի հավասար և հակադիր հակազդում:
Աշակերտ – Իսկ ես հորինել եմ Նյուտոնի երրորդ օրենքը:
Ուսուցիչ- Ինչպե՞ս թե:
Աշակերտ – Այո՛- այո՛: Ես երեկ հենց դասարանում ապացուցեցի, որ անկյուն խցկված մարմինը հակազդում չունի:
