Փետրվար. թումանյանական խճանկար
Նա միշտ մեզ հետ է
Ավարտվեց ևս մեկ թումանյանական ամիս: Այն սկսվել էր տարրական դասարաններից, որտեղ փետրվարը նվիրվել էր մեծ գրողի՝ մեզ ժառանգած հայկական ժողովրդական հեքիաթների նկարազարդմանը: (ավելին …)
«Սպորտլանդիա». տեսաբանների մրցույթ. հաղթողը կորոշվի վոլեյբոլով
«Առողջ ապրելակերպ եւ ֆիզկուլտուրա» առարկայի շրջանակում (ֆիզղեկներ՝ Ա. Դանգալյան, Մ. Հակոբյան) մեկնարկեց միջդասարանային «Սպորտլանդիա» մրցախաղը 9-րդ, 8-րդ «ա», «բ» եւ «գ» դասարանների միջեւ: Այն բաղկացած է երկու փուլից՝ տեսական գիտելիքների եւ մարզական: Առաջին փուլը՝ մրցույթի տեսական մասը, նվիրված էր Վարդանանց տոնին:
Առաջին օլիմպիական խաղերից մինչեւ մերօրյա համաշխարհային եւ հայկական սպորտի վերաբերյալ հարցերին փայլուն պատասխանելով՝ հաղթեց 8-ի «բ»-ն:
Մրցախաղի հաջորդ փուլը մարզական է. ֆիզկուլտուրայի եւ առողջ ապրելակերպի վերաբերյալ տեսական գիտելիքներից առավելագույն եւ նվազագույն միավորներ հավաքած թիմերը համապատասխանաբար կմրցեն իրար հետ: Այդ մարզախաղերի արդյունքում պարզ կդառնան եզրափակիչ դուրս եկած երկու թիմերը, որոնց վճռական հանդիպումից հետո երկու փուլերում վաստակած միավորների ընդհանուր գումարով էլ կորոշվի «Սպորտլանդիայի» հաղթողը:
Առարկայական օլիմպիադայի առաջին փուլ. շախմատի թիմը կազմավորված է
Ավետիսյան դպրոցի 10-14 տարեկան 40 պատանիներ և աղջիկներ մասնակցեցին շախմատի առարկայական օլիմպիադայի առաջին փուլին: Երկօրյա համառ մրցապայքարում, որն անցկացվեց օլիմպիական կարգով, հայտնի դարձան ուժեղագույնները: (ավելին …)
Երբ գրադարակում այլևս տեղ չի մնում
Հոդվածը տպագրվել է Խաչատուր Աբովյանի անվան Հայկական Պետական Մանկավարժական համալսարանի պաշտոնաթերթի 2022 թ. մարտի 3-ին լույս տեսած համարում՝ «Թող այս գրքերը ուշ մաշվեն. Գիրք նվիրելու օրը Ավետիսյան դպրոցում» վերտառությամբ։
Թող այս գրքերը շուտ մաշվեն
Ավանդույթի համաձայն՝ Ամենայն հայոց բանաստեղծի ծննդյան օրը գրքի տոնի է վերածվում Ավետիսյան դպրոցում: Ահա և այսօր. գրքերով ծանրաբեռնված՝ բեմ են բարձրանում «Անուշն» ու «Սարոն», «Մարոն» ու «սուտասանը», «Կիկոսն» ու «անխելք մարդը», «թագավորը», «չարչին», «մուկիկը»… Նրանց թիվն անցնում է մի քանի տասնյակից, սակայն դահլիճը չի հոգնում ամեն մեկին ծափերով դիմավորելուց:
Տարրական դպրոցի «հերոսները» գրադարանավարին են հանձնում այս տարվա իրենց «ավարը»՝ մանկապատանեկան սիրված գրքերը: Դրանք մեկ-մեկ շարվում են հենց բեմում դրված գրադարակում: Դարակներում այլևս տեղ չկա, մինչդեռ ամբողջ դպրոցը՝ դասարան առ դասարան, իր նվերն է պատրաստել հարազատ դպրոցին, որ պիտի մատուցի այս հանդիսավոր ու տոնական մթնոլորտում:
Թումանյան և գիրք, գիրք և Թումանյան, տասնչորս տարվա ավանդույթ, որը Ավետիսյան դպրոցում տարեցտարի ձեռք է բերում նոր երանգներ: Այդ մասին է վկայում դպրոցի տնօրեն տիկին Մ. Գեղամյանի ոգեշնչող բացման խոսքը, որի ոգեկան և տրամաբանական շարունակությունն է դառնում Երևանի Խ. Աբովյանի անվան ՊՄՀ «Սփյուռք» գիտաուսումնական կենտրոնի ղեկավար, պրոֆեսոր Ս. Դանիելյանի ուղերձը, նրա ղեկավարած պատվիրակության անդամների ելույթները:
Հալեպահայ արվեստագետ, թարգմանիչ, արձակագիր և մանկավարժ Հակոբ Միքայելյանի խոսքը ձոն էր մեր ոսկեղենիկ մայրենիի երկվորյակ քույրերի՝ արևելահայերենի և արևմտահայերենի մերձեցմանը: Նա նաև ներկայացնում է Թումանյանի մի քառյակ՝ բնագրով, արևմտահայերեն և արաբերեն:
Մթնոլորտը գնալով ջերմանում է. Ավետիսյան ավագ դպրոցում գործող «Ժամանակակից գրական վերնատան» ղեկավար, մանկավարժ Լ. Բախշյանն իր սիրելի սաներից Լ. Խոյեցյանի հետ ներկայացնում է «Վերնատան» անցած ճանապարհը: Պրոֆեսոր Ս. Դանիելյանը «Վերնատանը» հրավիրում է իր ղեկավարած կենտրոն՝ համատեղ քննարկումների, այնուհետև կայանում է պարգևատրման արարողություն. «Հայ կրթություն» կրթական հիմնադրամի պատվոգրերին են արժանանում ամենաընթերցասերները և գրքի բարեկամները՝ ուսուցիչ թե աշակերտ: Իր հայաշունչ ասմունքով տոնը զարդարում է Երևանի Գ. Սունդուկյանի անվան պետական դրամատիկական թատրոնի դերասանուհի Ռուզաննա Հախնազարյանը:
Իսկ բեմի մեծ գրադարակում այլևս ազատ տեղ չի մնացել: Մեկ առ մեկ ներկայացնելով իրենց նվիաբերած գրքերը՝ 4-12-րդ դասարանների աշակերտները դրանք հենց բեմում էլ շարում են: Քիչ անց, ինչպես ամեն տարի, բարձր դասարանների տղաները սիրով և անտրտունջ այդ հակերը կտեղափոխեն գրադարան:
Դահլիճի ջերմացած օդում ասես դաջվում և մնում է պրոֆեսոր Ս. Դանիելյանի մաղթանքը.
«Թող այս գրքերը շուտ մաշվեն»…
Հունվարյան խճանկար
Աննկատ անցավ 2022-ի հունվարը, սակայն դա ամենևին էլ չխանգարեց, որ ձմեռային արձակուրդից հետո ավետիսյանցիները արագորեն մտնեն ուսումնական հունի մեջ, նաև վերագտնեն արտադպրոցական կյանքի ռիթմը: (ավելին …)
Մեր հրաձիգները՝ առաջին տեղում
ՀՀ ԴՕՍԱԱՖ-ի բաց առաջնությունից Ավետիսյան կրթահամալիրի հրաձիգների թիմը վերադարձավ հաղթանակով: Հավաքելով 63 միավոր՝ ավետիսյանցիները գրավեցին պատվավոր առաջին հորիզոնականը եւ նվաճեցին հաղթողի գավաթը: Թիմը պարգեւատրվեց փոքր տրամաչափի հրացանով: (ավելին …)
