Հնս 14, 2017 | Մեր առօրյան
Այսօր՝ մայիսի 13-ին, կայացավ «Այբ» կրթական հիմնադրամի նախաձեռնությամբ ՀՀ-ում և Արցախում անցկացվող «Մեղու», «Կենգուրու» և«Ռուսական արջուկ» դպրոցական միջազգային մրցույթների մրցանակաբաշխությունը: Ինչպես նախորդ տարիներին, ընթացիկ՝ 2016-2017 ուստարում ևս «Հայ կրթություն» կրթական հիմնադրամի կրթահամալիրի սաները այս երեք մրցույթներում էլ գրավեցին մրցանակային տեղեր: Կրթօջախի IX դասարանի աշակերտուհի Աննա Դավոյանի անունը տեղ գտավ «Մեղու-2016» մրցույթի «լավագույն» սյունակում, VII «բ» դասարանի աշակերտ Հարություն Հայրապետյանն արժանացավ «Ռուսական արջուկ-2016»-ի հատուկ մրցանակի, իսկ VII «ա» դասարանի աշակերտուհի Ջեմմա Գինովյանը՝ «Կենգուրու-2017»-ի հատուկ մրցանակի:
Սրտանց շնորհավորում ենք արդեն ավանդույթ դարձած այս միջազգային մրցույթների հաղթողներին և բաժնեկից լինում նրանց հաջողությունների բերկրանքին. նրանց հաղթանակը նաև մեր հաղթանակն է:
Թեև ամառ է և արձակուրդ, սակայն մրցանակաբաշխությունից անմիջապես հետո մեր հաղթողներն իրենց պատվոգրերով և նվերներով շտապեցին հարազատ դպրոց: Այստեղ էլ լուսանկարվեցին:
Այդպես շարունակե՛լ, ավետիսյանցինե՛ր, կեցցե՛ք:
Հնս 5, 2017 | Մեր առօրյան
Հունիսի 1-ին Ավետիսյան դպրոցի սաներից մի քանիսը մասնակցեցին հեծանվային մրցաշարի: Մասնակիցներից 3-ն էլ փայլուն ելույթ ունեցան և հերթական անգամ բարձր պահեցին դպրոցի պատիվը: 2 -րդ դասարանի աշակերտ Նարեկ Մնացականյանը 7-9 տարիքային խմբում զբաղեցրեց 1-ին տեղը: 8-րդ դասարանի աշակերտ Արեգա Դումանյանը իր տարիքային խմբում զբաղեցրեց 1-ին հորիզոնականը, իսկ Էդուարդ Դումանյանը 6-րդ դասարանից զբաղեցրեց 2-րդ պատվավոր հորիզոնականը:
Մրցույթի կազմակերպչական հարցերում իրենց ներդրումը ունեցան 12- րդ դասարանի աշակերտներ Լուսինե Մնացականյանը և Միլենա Գալստյանը: Շնորհակալ ենք բոլոր կազմակերպիչներին օրն հիշարժան դարձնելու համար և, իհարկե, դպրոցի ֆիզկուլտուրայի ուսուցիչ Մերի Հակոբյանին երեխաներին մարզելու համար:
Հնս 2, 2017 | Մեր առօրյան
2016-2017 ուստարվա մայիսի 26-ը սովորական վերջին զանգ չէր «Խորեն և Շուշանիկ Ավետիսյանների» անվան կրթահամալիրում:
Իր գոյության պատմության ընթացքում դպրոցը մեծ աշխարհ էր ճանապարհում իր առաջին տասներկուերորդ դասարանի շրջանավարտներին:
Հուզված էին բոլորը. օդում թևածում էր թե՛ ուրախ, թե՛ տխուր զգացմունքների ալիքը:
Դպրոցի բեմում տասներկուերորդցիները իրենց երազանքի, սպասումների և հույզերի նավակները բաց թողեցին կյանքի մեծ օվկիանոս՝այն հավատքով, որ բոլոր նավակները ափ են հասնելու ,խարիսխ գցելու, և իրականություն են դառնալու նավակներում հանգրվանած բոլոր երազանքները:
Միջոցառման ավարտին հայիենիքը խորհրդանշող եռագույն նավակն իջեցրին մեծ ջրերի ալիքների մեջ,և խրոխտ պարով ավարտեցին ելույթը:
Հնս 2, 2017 | Մեր առօրյան
25.05.17թ. 9-րդ դասարանի աշակերտները պատրաստվում էին թռիչքի դեպի ավագ դպրոց: Թռիչքն իրականացվում էր «Հայ կրթություն» կրթական հիմնադրամի կողմից: Ինքնաթիռի հրամանատարն էր տնօրեն Մ. Գեղամյանը, առաջին օդաչուն` փոխտնօրեն Ն. Այվազյանը և երկրորդ օդաչուն` դասղեկ Ն. Հովհաննիսյանը:
Աշակերտները ջերմ հիշողություններով էին բարձրանում «ինքնաթիռ»` իրենց հետ տանելով այն գիտելիքներն ու հմտությունները, խորհուրդներն ու խրատները, որոնք ստացել էին իրենց սիրելի ուսուցիչներից:
Բարի թռիչք Ձեզ, սիրելի՛ իններորդցիներ:
Հնս 1, 2017 | Մեր առօրյան
Մայիսի 31-ին Ավետիսյան դպրոց այցելեցին Բոստոնի Սուրբ Ստեփանոս դպրոցի 5-րդ դասարանի աշակերտները «Էյ Թի Փի»-ի բնապահպանական կրթական ծրագրի թիմի հետ: Նրանք Ավետիսյան դպրոցի 6-րդ դասարանի սաների հետ անցկացրեցին համատեղ դասընթաց «Անտառներ» թեմայով, որը վարում էր Նվարդ Գևորգյանը: Այնուհետև երեխաները, շրջելով դպրոցում, ծանոթացան դպրոցի պայմաններին և առօրյային:
Հանդիպումն ավարտվեց Աշտարակ քաղաքում նոր հիմնադրված հանրային այգում ծառատունկով` առաջնորդությամբ «Էյ Թի Փի»-ի աշխատակիցների, Սուրբ Ստեփանոս դպրոցի և Ավետիսյան դպրոցի ուսուցիչների:
Within the scope of the bridging program the 5th grade learners of the St. Stephen’s Armenian Elementary School located in Boston together with the ATP (Armenian Tree Project) staff visited the Khoren & Shooshanig Avedisian School & Community Center on May 31. The St. Stephen’s 5th graders had a joint class with the Avedisian 6th graders on the topic “Forests” which was conducted by NvardGevorgyan. Afterwards the guest students had a guide tour around the school getting acquainted with the school routine and conditions.
The meeting ended with a joint tree planting in a newly founded public park in Ashtarak town which was led by the ATP staff and the teachers of the St Stephen’s and the Avedisian schools.
Մյս 25, 2017 | Մեր առօրյան
«Հայ կրթություն» կրթական հիմնադրամի Խորեն եւ Շուշանիկ Ավետիսյանների անվան դպրոց եւ համայնքային կենտրոնը հայտարարում է ընդունելություն նախակրթարանում 01.01.2013 — 31.12.2013թ. ծնված երեխաների համար.
Նախակրթարանն առաջնորդվում է հաստատված ծրագրով՝
- խոսքի և տրամաբանական գիտելիքների զարգացում
- օտար լեզուների դասավանդում (անգլերեն, ֆրանսերեն, ռուսերեն)
- պար
- երգ – երաժշտություն
- ստեղծագործական ունակությունների զարգացում
- մանկաբույժի ծառայություն
Նախակրթարանոում գործում է նաև հոգեբանի ( ԱՐՏ – թերապիա, ավազաթերապիա, ձեռքերի մատորիկա) և լոգոպեդի ծառայություն:
Այստեղ ձեր երեխան շրջապատված կլինի ջերմությամբ ու հոգատարությամբ, կստանա իր տարիքին համապատասխան կրթություև,դաստիարակություն, կզբոսնի և կխաղա մեր մանկապարտեզի խնամված այգում, կսնվի 3 անգամ բարձրորակ սննդով և կլինիմանկավարժների ուշադրության կենտրոնում:
Նախակրթարան ընդունվելու համար պարտադիր պայման է լինել Մալաթիա- Սեբաստիա համայնքի բնակիչ:
Ընդունելության համար անհրաժեշտ է ներկայացնել.
- Ծննդյան վկայականի բնօրինակը եւ պատճենը
- Տեղեկանք հաշվառման վայրից
- Դիմում
- Տեղեկանք բնակության վայրից /վարձակալությամբ ապրողների դիմումները չեն ընդունվում/
Դիմումները ընդունվում են ս/թ հունիսի 1-ից մինչեւ հունիսի 20-ը, ամեն օր ժամը 10.00-ից մինչև 15.00, բացի շաբաթ եւ կիրակի օրերից:
«Հայ կրթություն» կրթական հիմնադրամի դպրոցի բաժնում կատարվում է 2017-2018 ուստարվա ընդունելություն
1-ին դասարան – 20 տեղ
Անհրաժեշտ է ներկայացնել հետևյալ փաստաթղթերը.
-
Ծննդյան վկայականը / բնօրինակը և 1 պատճեն/
-
Տեղեկանք բնակության վայրից /գրանցումը պարտադիր է, միայն Մալաթիա-Սեբաստիա համայնքի բնակիչները/
-
Հաշվառման թերթիկ /անձնագրային բաժնից, պատճեն/
Դիմումներն ընդունվում են ս/թ հունիսի 1-ից մինչև հունիսի 20-ը, ամեն օր /բացի շաբաթ և կիրակի օրերից/ ժամը 10.00-15.00:
Ավագ դպրոցի 10-12-րդ դասարաններում ս/թ հունիսի 1-ից մինչեւ հունիսի 20 ներառյալ կընդունվեն դիմումներ:
Ս/թ հուլիսի 1-10-ը կանցկացվեն քննություններ « Հայոց լեզու», «Մաթեմատիկա» եւ «Օտար լեզու» (անգլերեն, ֆրանսերեն) առարկաներից:
