Հրաժեշտ տարրական դպրոցին
Խաղաղությանը, հայրենիքին և հարազատ դպրոցին էին նվիրված Ավետիսյան դպրոցի IV «ա», «բ» և «գ» դասարանների (դասղեկներ՝ Յուլյա Մկրտչյան, Սվետլանա Աղաջանյան և Լուսինե Մարգարյան) ցերեկույթները, որոնք յուրատեսակ ամփոփումը դարձան տարրական դպրոցում այս փոքրիկների առջև բացված խոստումնալից արահետի, արահետ, որը սերմանված էր գիտելիքների, բարու, մարդկայինի, հայրենասիրության պտղառատ սերմերով:
Օրվա խորհուրդն ամփոփվեց Ավետիսյան դպրոցում ավանդույթ դարձած երազանքի փուչիկներով. ծնողների և ուսուցիչների ընկերակցությամբ կարմիր, կապույտ և նարնջագույն հետագծերով դրանք երկինք տարան 62 մաքուր ու պայծառ պատանյակների երազանքներ:
Երգով, ասմունքով, մանրապատումներով հագեցած այս վառվռուն օրը՝ մայիսի 22-ը, անմոռաց կմնա և, անկասկած, կշարունակվի չորրորդցիների դպրոցական հետագա տարիների հոլովույթում:
