Նայիրի Մկրտիչեան «Զարկերակ»-ի հաղորդավար Արէն Քերթեշեանին հետ զրուցեց «Եռագոյն» կայքի գործունէութեան, ինչպէս նաեւ Հայաստանի մէջ արեւմտայերէնի ուսուցման հարցին մասին:
Ավետիսյան դպրոցի յուրաքանչյուր հյուր նրա կամարների տակ թողնում է լավ ու բարի, օգտակար ու պիտանի այնքան խոհեր, զգացմունքներ ու խորհուրդներ, որ, առանց չափազանցության, կյանքի համալսարանի արժեք ունեն հատկապես կյանքի շեմին կանգնած, դեռևս որոնումների մեջ գտնվող բարձրդասարանցիների համար:
Այդ առումով բացառություն չէր հանդիպումը երիտասարդ երգահան Էդգար Գյանջումյանի հետ: Այն վերածվեց կյանքի իմաստի, երջանկության պարզ բանաձևերի որոնման մի հրաշալի դասի:
«Ի՞նչ տվեց ձեզ այս հանդիպումը»: Այս հարցին ահա թե ինչպես պատասխանեցին դահլիճից ոգեշունչ դեմքերով դուրս եկող մեր սաները:
Այն, որ ես արթնանում եմ ամեն առավոտյան և իմ շուրջը տեսնում աշխարհը, արդեն իսկ երջանկություն է: Ես պետք է գնահատեմ այն:
Երջանկություն է, երբ կարողանում ես օգնել ինչ-որ մեկին:
Կատարյալ երջանկություն է, երբ քեզ շրջապատող աշխարհը կարողանում ես փոխել դեպի լավը:
Անտարբերությունն ու ատելությունը փոխարինենք սիրով և բարությամբ. աշխարհին նայենք սիրով, և այն կփոխվի դեպի լավն ու գեղեցիկը:
Քո ուզած արդյունքին երբեք չես հասնի, եթե զբաղվում ես մի բանով, ինչը քո սրտով չէ:
Ես շատ ուրախ եմ, որ ապրում եմ, կամ:
Մեզնից յուրաքանչյուրը կարող է փոխել աշխարհը:
Հանդիպման վերջում Էդգար Գյանջումյանն իր իսկ նվագակցությամբ կատարեց իր «Լույս անմար» հուզիչ երգը, որն իր հոգու խորքում խորանալու գեղեցիկ պահեր պարգևեց դահլիճում գտնվող յուրաքանչյուր պատանու:
Բազմահազար արահետների մեջ ինչպե՞ս ճիշտ ընտրես քո ուղին և ի՞նչ անես՝ հաստատուն քայլերով առաջանալու, ապագադ կառուցելու համար: Մանավանդ որ քո ապագան նաև քո երկրի՛ ապագան է: (ավելին …)