Սպտ 25, 2021 | Մեր առօրյան
Գրական «Վերնատան» գաղափարը Ավետիսյան դպրոցում հասունացել էր դեռ անցած ուստարվանից, երբ հայոց լեզվի և գրականության ուսուցչուհի Լիլիթ Բախշյանի նախաձեռնությամբ կազմակերպվեցին ավագ դպրոցի աշակերտների հանդիպումներ արդի հայ գրական գործիչների հետ: Առաջինը դպրոց հրավիրեցին արևմտահայ արձակագիր և հրապարակախոս Հակոբ Միքայելյանին, ապա նաև գրականագետ, գրող Հովիկ Չարխչյանին, և երկու հրավիրյալներից էլ բաժանվեցին տպավորված ու հոգով հարստացած:
Եվ ահա՝ ժամանակակից «Վերնատուն»: Նորամուծության գաղափարն, ինչպես միշտ, աջակցություն գտավ դպրոցի ղեկավարության կողմից, և Ավետիսյան դպրոցի գրական Վերնատունը օրերս անցկացրեց իր անդրանիկ հավաքույթը:
Առաջին հանդիպման համար ուսուցիչն ու աշակերտներն ընտրել էին ժամանակակից երիտասարդ արձակագիր Գրիգի (Գրիգոր Շաշիկյան) «Հիսուսի կատուն» գործը և քննարկմանը հրավիրել անձամբ հեղինակին:
Այս հետաքրքիր, սկզբում մի փոքր անսովոր թվացող հանդիպման առաջին երկչոտ ելույթներին հաջորդեցին պատանեկան ինքնաբուխ և ինքնատիպ դատողությունների, անկեղծ հարցերի տարափը և հեղինակի նույնքան անկեղծ պատասխանները: Մթնոլորտը գնալով ջերմացավ, դարձավ անկաշկանդ. ներկաներից յուրաքանչյուրն ասելիք ուներ, սրտի խորքում պահած մի խոսք, մի խորհուրդ ՝ ուղղված գրողին և նրա հերոսներին:
Հավելենք, որ «Հիսուսի կատուն» պատմվածքների ժողովածուի գերմաներեն թարգմանությունը ներառվել է գերմանական HOTLIST անկախ հրատարակիչների մրցույթի՝ տարվա 10 ընտրված գրքերի շարքում:
Սպտ 1, 2021 | Մեր առօրյան
31 օգոստոսի, Ավետիսյան կրթահամալիր:
Ընդամենը մեկ օր հետո դպրոցի դռները լայնորեն կբացվեն նրա սաների առջև, և կմեկնարկի նոր՝ 2021-2022 ուստարին. հարկերն ու միջանցքները նորից կեռան պատանեկան ուրախ աղմուկից: Այդ ամենը՝ վաղը, իսկ այսօր հատկապես հուզումնալից օր է 66 փոքրիկների համար, ովքեր առաջին անգամ են ոտք դրել դպրոցական շեմքից ներս: Վաղվա տոնական հանդիսությունից մեկ օր առաջ կրթօջախի ղեկավարության հրավերով նրանք ծնողների ուղեկցությամբ մտան դպրոցի շեմքից ներս: Այստեղ նրանք ծանոթացան իրենց ապագա ուսուցիչների հետ, երկրորդ դասարանի աշակերտները շնորհավորանքի մաղթանքներ հղեցին նորընծա սաներին և նրանց փոխանցեցին իրենց «Այբբենարան»-ները:
Հուզված փոքրիկներին շնորհավորանքի խոսք ասաց կրթահամալիրի տնօրեն տիկին Մելանյա Գեղամյանը: Նա մաղթեց խանդավառ մեկնարկ և հետագա ջանասեր աշխատանք, ինչպես նաև հանգամանորեն ներկայացրեց կորոնավիրուսի համավարակով պայմանավորված իրողությունները և պարտականությունները:
Հնչեց զանգը, և առաջինդասարանցիներն իրենց դասվարների ուղեկցությամբ մտան իրենց դասարաններ:
Իսկ այդ նույն ժամանակ հարևան դասասենյակներում ամառային արձակուրդից հետո իրենց գիտելիքները կրկնում ու թարմացնում, առաջին փորձնական դասերն էին անում տարրական մյուս դասարանների աշակերտները:
1 սեպտեմբերի:
Եվ նորից ծփում է Ավետիսյան դպրոցի բակը. դպրոցական համազգեստներով պատանիներ ու աղջիկներ՝ արևավառ, կարոտած և հուզված, նրանց կողքին՝ գործնական, բայց և ժպտադեմ ուսուցիչներ: ԿԳՄՍ նախարարի հրամանով տրվել է նոր ուստարվա մեկնարկը: Կրթահամալիրը գրկաբաց ընդունում է իր 670 սաներին: Տնօրեն տիկին Մ. Գեղամյանը հպարտորեն հիշատակում է 2020-2021 ուստարվա 33 շրջանավարտներին, որոնք, բոլորն անխտիր փայլուն քննություններ հանձնելով, դարձել են համալսարանականներ, ընդ որում նրանցից 6-ն ընդգրկվել են ուսման պետական (անվճար) համակարգում: Տասնյակ ավետիսյանցիներ անցած ուստարում մրցանակներ են բերել հանրապետական և միջազգային տարբեր մրցույթներից, դպրոցն արժանացել է Երևան քաղաքի օլիմպիական կենտրոնի II կարգի դիպլոմի:
Շնորհավորելով բոլորին նոր ուստարվա կապակցությամբ և բոլորին մաղթելով հարուստ գիտելիքներ և տքնաջան աշխատանք հանուն մեր հայրենիքի ապագայի՝ դպրոցի տնօրենը ևս մեկ անգամ հիշեցրեց անցած ուստարվանից դպրոցում կիրառվող հակավարակային սանիտարական քայլերը պահպանելու և շարունակելու մասին:
Հնչեց աշնան առաջին օրվա խորհրդանշական զանգը, և նրա ղողանջների հետ պատանեկան խնդուն ավյունը հորդահոս գետի նման լցվեց դպրոցի դռներից ներս:
Բարի՜ երթ…
Հլս 21, 2021 | Մեր առօրյան
«Մեկ ձայն» անկախ դպրոցների հայկական ասոցիացիայի պաշտոնական էջը գրում է.
Այսօր «Գլոբալ Բրիջ» դպրոցում Գիտուժ -ի և «Մեկ ձայն» ասոցիացիայի նախաձեռնությամբ կայացավ մի շատ հետաքրքիր հանդիպում իրական գիտնականներ` Արթուր Ապրեսյանի` տարրական մասնիկների ֆիզիկոս, և Պայծառ Մուրադյանի` մթնոլորտային ֆիզիկոս, հետ:
Հանդիպմանը մասնակցում էին աշակերտներ ու ուսուցիչներ մի շարք դպրոցներից. Avedisian School Ավետիսյան դպրոց, “Poqrik Ishkhan” Educational Complex “Փոքրիկ Իշխան” կրթահամալիր, Global Bridge School/Գլոբալ Բրիջ Դպրոց, «Այբ» դպրոց / Ayb School, Արտաշես Շահինյանի անվան Ֆիզմաթ դպրոց / Fizmat / olymp.am դպրոցներից և այլն: Վերջիններս ծանոթացան գիտնականների մասնագիտական բազմաշերտ փորձին ու ստացան մի շարք հուզող հարցերի պատասխաններ:
Հանդիպման նպատակն էր հայ աշակերտներին հաղորդակից դարձնել կայացած գիտնականի կենսափորձին ու մասնագիտական ուղղու առանձնահատկություններին, արթնացնել ու ոգեշնչել նրանց միջի ապագա գիտնականներին, որոնց կարիքը այդքա՜ն ունի Հայաստանը:
Նախաձեռնողները արձանագրեցին, որ նման բովանդակության հանդիպումների կազմակերպումը լինելու է շարունակական` հանուն գիտության շուրջ դպրոցական համայնքների մոտ հետաքրքրվածության ավելացման ու գիտակցության բարձրացման:
Հլս 16, 2021 | Մեր առօրյան
Ավետիսյան դպրոցում շարունակվում են մանկավարժների ամբողջական վերապատրաստման սեմինար-դասընթացները, որոնք մեծ վարպետությամբ վարում է դպրոցի կրթության խորհրդատու տիկին Սալբի Ներսեսսյանը:
Հնս 25, 2021 | Մեր առօրյան
«Հայ կրթություն» կրթական հիմնադրամի
2021-2022 ուստարվա մանկապարտեզ և դպրոց ընդունված երեխաների անվանացանկ
Մանկապարտեզ
- Հովհաննիսյան Մարիա Գևորգի
- Ավագյան Մարի Դավիդի
- Ռուստամյան Ալեն Մարտինի
- Քեյվանյան Քեյվն Հակոբի
- Խաչատրյան Աշոտ Գևորգի
- Ավանեսյան Նարեկ Ավետիքի
- Փափազյան Վահե Մհերի
- Գրիգորյան Վալենտինա Մանուկի
- Կիրակոսյան Լիլի Ավետիքի
- Շահբազյան Մարիա Վազգենի
- Բեգինյան Նարեկ Էմիլի
- Մելիքյան Կամիլա Հարությունի
- Ղազարյան Ադասա Աբելի
- Ալեքսանյան Գագիկ Արմենի
- Թորոսյան Դանիել Հովհաննեսի
- Բարսեղյան Վահե Գևորգի
- Սարգսյան Մերի Հովհաննեսի
- Սիմոնյան Եվա Վանուշի
- Մարտիրոսյան Ադրիանա Սամվելի
- Գասպարյան Էլեն Սմբատի
- Վարդանյան Եվա Դավիթի
- Պետրոսյան Արմեն Մայիսի
- Սահակյան Սերգեյ Ռուբենի
- Կահվաջյան Պերճուհի Գարաբեդի
Դպրոց
- Մուրադյան Լիանա Արթուրի
- Կալաչյան Ալիսիա Վիլլիի
- Գրիգորյան Աստղիկ Վահեի
- Հադդադին Լայան Սինանի
- Սերոբյան Արմեն Արթուրի
- Ավանեսյան Ալեն Ավետիքի
- Ասատրյան Գրիգ Հովհաննեսի
- Թորոյան Աշոտ Հայկի
- Ղարիբյան Արման Սարգիսի
- Ղարիբյան Խաչիկ Սարգիսի
- Սոլովյով Միքայել Հայկի
- Առաքելյան Արեգ Գրիգորի
- Գյուրջյան Դավիթ Հարությունի
- Սարգսյան Վիկտորիա Գագիկի
- Մովսիսյան Նատալի Հակոբի
- Պապոյան Անահիտ Սուրենի
- Գասպարյան Անի Արայիկի
- Մանուկյան Էրիկա Սերգեյի
- Պետրոսյան Մանե Մայիսի
- Վարդանյան Լուսինե Հայկի
- Աբրահամյան Իրինա Արմենի
- Քալանթարյան Մարի Վարդանի
- Ասատրյան Անժելիկա Հովհաննեսի
- Սահակյան Գայանե Աշոտի
- Բանդուրյան Ալեն Արմանի
- Խուրշուդյան Դանիել Գևորգի
- Պողոսյան Ալեքս Ոստանիկի
- Ստեփանյան Սամվել Սարգիսի
- Զախարյան Արմեն Կիմի
- Մելիքսեթյան Ռաֆիկ Գևորգի
- Խաչատուրյան Սիմոն Սիմոն Ղոստանի
- Խուդավերդյան Լյուսինա Երվանդի
- Գյուլնազարյան Սոնա Լյովայի
- Ասծատրյան Աննա Աղվանի
- Սարգսյան Իննա Վարդանի
- Եգորյան Տիգրան Հայկի
- Ծատրյան Հայկ Արթուրի
- Քոչարյան Ռուբեն Կարենի
- Ասլանյան Արեգ Արամի
- Ասլանյան Արփի Արամի
- Շահինյան Մարի Ռուստամի
- Վահանյան Տաթև Կորյունի
Մանկապարտեզից դպրոց
- Բեգլարյան Դավիթ Արայի
- Ճան Էնրուի Պարգևի
- Ստեփանյան Ջեսիկա Արմանի
- Թամազյան Վիկա Գաբրիելի
- Խաչատրյան Մարի Արսենի
- Մկրտչյան Լինա Արթուրի
- Միրզոյան Մհեր Մարատի
- Հովհաննիսյան Սառա Սահակի
- Մնացականյան Լինա Վահագնի
- Հարությունյան Հարություն Զոհրաբի
- Մղդեսյան Մարիա Սիմոնի
- Նիկողոսյան Ռուբեն Արմենի
- Միքայելյան Արամ Պարույրի
- Խաչիկյան Աննա Էդմոնդի
- Բեգինյան Արսեն Էմիլի
- Սարիբեկյան Մարի Արամի
- Պապոյան Էդգար Լևոնի
- Ոսկանյան Արտյոմ Զարզանդի
- Սուքիասյան Եվա Էդուարդի
- Գևորգյան Գրիգոր Գևորգի
- Մովսիսյան Մերի Արմենի
- Գևորգյան Արմինե Վարդանի
- Սարգսյան Մարի Ռոմանի
- Մովսեսյան Ալբերտ Աշոտի
Հնս 17, 2021 | Մեր առօրյան
Մեր դպրոցի մասին
Խորեն և Շուշանիկ Ավետիսյանների անվան դպրոցը (www.avedisianschool.am), որը հիմնադրվել է 1998 թ. Ամերիկայի Հայ Ավետարանչական Ընկերակցության (www.amaa.am; www.amaa.org) կողմից, անվճար մասնավոր դպրոց է Երևանի ՀԱԹ-ում։
Կրթահամալիրը 12-ամյա ընդհանուր միջնակարգ կրթություն է ապահովում համայնքի բոլոր երեխաների համար:
Ավետիսյան ավագ դպրոցի շրջանավարտների 100%-ն ընդունվում են բուհեր:
Լինելով էկոլոգիապես մաքուր առաջին դպրոցը Հայաստանում՝ Ավետիսյան դպրոցը նման չէ աշխարհում որևէ այլ դպրոցի: Այն զբաղեցնում է բացառիկ, ընդարձակ և բնապահպանական նկատառումներով նախագծված մի շինություն՝ կահավորված նորագույն և առաջատար տեխնոլոգիական հարմարություններով: Հարավային Կովկասում դպրոցն առաջինն է, որ արժանացել է LEED (Առաջնորդություն շրջակա միջավայրի և էներգետիկ նախագծման համար) արծաթե հավաստագրին:
Ներկայացված տեսանյութը Ձեզ կօգնի ավելի լավ պատկերացում կազմելու դպրոցի առօրյայի մասին՝ Երազանքի դպրոցը։
Այս բացառիկ նորարարական և Հայաստանում էկոլոգիապես մաքուր առաջին դպրոցը շահագրգռում է իր ուսուցիչներին՝ շարունակական ինքնազարգացման, դասավանդման հմտությունների բարելավման, սովորողների համակողմանի և արդյունավետ ուսուցմանն ուղղված դասավանդման ժամանակակից մեթոդների ու գործիքների բացահայտման ու կիրառման համար: Մենք խրախուսում ենք ուսուցիչների շրջանում թարմ գաղափարների փոխանակումը՝ օգնելով նրանց աճել իրենց մասնագիտական և անձնային զարգացման ծիրում:
Թափուր աշխատատեղեր
Եթե Դուք խանդավառված եք այս նորարարական դպրոցի մաս կազմելու գաղափարով, նաև շարունակական ինքնազարգացման և երեխաներին լավագույն կրթությամբ ոգեշնչելու ջատագով եք, ապա տեղեկացնում ենք, որ «Հայ կրթություն» կրթական հիմնադրամի Ավետիսյան կրթահամալիրում հայտարարվում է թափուր աշխատատեղերի մրցույթ հետևյալ մասնագիտությունների համար.
- հայոց լեզու եւ գրականություն
- անգլերեն (2 մասնագետ)
- ռուսաց լեզու
- տարրական դասարանների դասվար (2 մասնագետ)
- պատմություն
- աշխարհագրություն (0,5 դրույք)
- մաթեմատիկա
- ինֆորմատիկա
- ռոբոտաշինություն
Համապատասխան աշխատանքային փորձը (նվազագույնը՝ 3 տարի) պարտադիր է:
Ուսուցիչների վարձատրությունը, որն ավելի բարձր է, քան պետական հանրակրթական դպրոցների ուսուցիչների համար սահմանված աշխատավարձը, որոշվում է` ըստ պայմանագրի:
Աշխատանքի ընդունման կարգը
Ա. Դիմում
Թափուր աշխատատեղերի համար դիմելու նպատակով խնդրում ենք նախ առցանց տարբերակով info@avedisianschool.am էլեկտրոնային հասցեին ուղարկել հետևյալ ինֆորմացիան (մինչև 25.07.2021).
- հանձնաժողովի անունով գրավոր դիմում` նշելով այն աշխատատեղը, որին հավակնում եք (ձև N 1)
- փաստաթուղթ (դիպլոմ, գնահատականների ներդիր)` «Հանրակրթության մասին» ՀՀ օրենքի 26-րդ հոդվածի 1-ին մասի պահանջին համապատասխան որակավորման վերաբերյալ
- անձնագրի պատճենը
- ՀԾՀ համարանիշ
- ինքնակենսագրություն (ձև N 4)
- թափուր աշխատատեղը զբաղեցնելու համար մասնագիտական գիտելիքներին և աշխատանքային ունակություններին ներկայացվող պահանջների բավարարումը հավաստող փաստաթղթերի, հավաստագրերի պատճեններ (դրանց առկայության դեպքում)
- մեկ լուսանկար` 3×4 չափսերի
- այլ պետությունների քաղաքացիները` Հայաստանի Հանրապետությունում աշխատելու իրավունք
- ՀՀ արական սեռի քաղաքացիները՝ նաև զինգրքույկ
- 2-3 րոպե տևողությամբ սիրողական տեսագրություն, որտեղ Դուք բանավոր ներկայացնում եք՝
- — Ո՞վ եմ ես։
- — Ինչու՞ եմ ուզում աշխատել Ավետիսյան դպրոցում։
- — Ինչու՞ Ավետիսյան դպրոցը պետք է շահագրգռված լինի ինձ աշխատանքի ընդունելու համար։
- — Ո՞րն է լինելու իմ ինքնատիպ ներդրումը դպրոցի առաքելության իրագործման մեջ։
Բ. Հարցազրույց
Մրցույթի մասնակիցների գիտելիքների և մասնագիտական կարողությունների ստուգումն անցկացվելու է երկու փուլով` հատուկ սահմանված կարգով։
Գ. Փորձնական դաս
Երկու փուլերը հաղթահարելուց հետո թեկնածուներին հնարավորություն կընձեռվի փորձնական դաս վարելու Ավետիսյան դպրոցի որևէ դասարանում։
Տեղեկությունների համար խնդրում ենք զանգահարել` (043) 00-23-14 հեռախոսահամարին:
