Ապր 18, 2017 | Մեր առօրյան
ԱՄՆ Խաղաղության կորպուսի կողմից կազմակերպվող ասմունքի ամենամյա մրցույթին մասնակցելը Ավետիսյան կրթօջախում դարձել է բարի ավանդույթ, ինչո՞ւ չէ, նաև պատվի հարց։
Այս տարվա ասմունքի մրցույթն անցկացվում էր «Պատերազմի ապարդյունություն» խորագրի ներքո։ Եվ քանի որ անցյալ տարի մեր երկրի շատ քաջորդիներ նահատակվեցին ապրիլյան քառօրյա պատերազմում, Ավետիսյան դպրոցը սրտին մոտ ընդունեց պատերազմի ապարդյունությունը բոլորին տարածելու այս մարտահրավերը։
Մրցույթի մարզային փուլին, որն անցկացվեց ապրիլի 15-ին Արտաշատ քաղաքի N 2 դպրոցում, մասնակցեցին Ավետիսյան դպրոցի երեք սաներ։ Մրցակցությունն ընթանում էր առանձին տարիքային խմբերում։ Եվ մենք հպարտ ենք հայտարարելու, որ մեր թիմը Արտաշատից վերադարձավ հաղթանակով։ Այդ են վկայում ավետիսյանցիների արդյունքները: Ահա´դրանք.
Գայանե Հովնանյան (8-րդ դասարան). 1-ին տեղ,
Մարիետա Ղազարյան (10-րդ դասարան). 2-րդ տեղ,
Լիանա Հաբեշյան (12-րդ դասարան). 1-ին տեղ։
Առաջին տեղ զբաղեցրած աշակերտները կմրցեն ասմունքի հանրապետական փուլին, որը կանցկացվի մայիսի 7-ին Հայաստանի ամերիկյան համալսարանում։
Ապր 14, 2017 | Մեր առօրյան
Ավետիսյան դպրոցում այսօր նախատոնական տրամադրություն էր: Մեր սաներն իրենց ուսուցիչների և ծնողների գործուն մասնակցությամբ կազմակերպել էին Սուրբ Զատիկին նվիրված ցուցահանդես-վաճառք:
Նրանք միջոցառմանը պատրաստվել էին ամենայն պատասխանատվությամբ. նախապես ուսումնասիրել էին տոնի խորհուրդը, Զատիկի սեղանին դրվող ուտեստները, սովորել դրանց բաղադրատոմսերն ու իրենց ձեռքով պատրաստել անուշեղեն ու այլ ուտեստներ, ինչպես նաև ձեռագործ տարբեր իրեր ու զարդարանքներ:
Հյուրերն ըստ արժանվույն գնահատեցին մեր աշակերտների ոսկի ձեռքերն ու խոհարարական ձիրքը:
Ցուցահանդես-վաճառքի ողջ հասույթը կուղղվի բարեգործությանը:
Ապր 7, 2017 | Մեր առօրյան
Ապրիլի 7-ին` Մայրության և գեղեցկության տոնին, Ավետիսյան դպրոցում տեղի ունեցավ ԱՀԱԸ «Շող» ցերեկային կենտրոնի ազգագրական պարային համույթի ոգևորիչ համերգը: Խումբը ներկայացրեց 11 ազգագրական պար, ինչպես` «Կարնո քոչարի», «Ռոստամբազի», «Ֆնջան», «Մշո խըռ», «Յարխուշտա»: Համույթի ղեկավարը յուրաքանչյուր պարից առաջ հակիրճ ներկայացնում էր դրա բովանդակությունը, ծագումը, նշում` Հայկական լեռնաշխարհի որ տարածքներում են դրանք տարածված եղել: Աշակերտները մեծ ոգևորությամբ դիտեցին կատարումները` փորձելով հնարավորինս յուրացնել շարժումները և մտապահել սովորածը: Ցերեկույթի ավարտին կրթահամալիրի տնօրեն Մ. Գեղամյանը ներկաներին հորդորեց սիրել ու գնահատել մեր մշակույթը, ուսումնասիրել այն, սովորել ժողովրդական երգն ու պարը: Համերգին ներկա էր ՀՀ մշակույթի վաստակավոր գործիչ, «Կարին» ավանդական երգի-պարի խմբի հիմնադիր և գեղարվեստական ղեկավար Գագիկ Գինոսյանը: Նա ողջունեց Ավետիսյան դպրոցի աշակերտներին և նրանց պատմեց հայկական ազգագրական պարերի մասին: Վաստակավոր պարուսույցը նշեց, որ դրանք, արմատներով նույնը լինելով, միմյանցից տարբեր ու բազմազան են, և դրանց միջոցով իրենք փորձում են հային վերադարձնել իր ինքնությունը: Գ. Գինոսյանը ներկաներին հորդորեց սիրել այն ամենը, ինչը հայկական է, և հպարտանալ հայ լինելով:
Ապր 7, 2017 | Մեր առօրյան
Կանաչ դպրոցն այս անգամ փորձեց անրադառնալ համամոլորակային լուրջ խնդիրներից մեկին՝շրջակա միջավայրի աղտոտմանը: Դպրոցի տասմեկերորդ դասարանի աշակերտները իրականացրին հարցումներ, որոնց արդյունքներով կազմվեցին գրաֆիկներ։ Սոցհարցմանը հիմնականում մասնակցեցին Երևանում և մարզերում բնակվող 13-25 տարեկան անձինք։ Մասնակիցների մեծամասնությունը այն կարծիքին էր, որ իրենց բնակավայրն աղտոտված է, և նրա մաքրության համար մեծ գումարներ են պահանջվում։ Ըստ վիճակագրական տվյալների՝ բնակավայրերն աղտոտողները հիմնականում դեռահասներն են, ինչի պատճառներն են մարդկանց ոչ ճիշտ մտածելակերպը, բնության նկատմամբ սխալ մոտեցումը և էկոլոգիական անբավարար կրթությունն են։ Ի վերջո, աղտոտվածությունն ազդում է նաև բնակավայրերի գեղեցկության վրա: Հասարակությունը փորձում է վերահսկել իրավիճակը՝ տարբեր կերպ զբաղվելով սեփական բնակավայրի մաքրությամբ։ Ուստի եթե յուրաքանչյուրը սրտացավ լինի և չաղտոտի իր շրջակայքը, աշխատի ի նպաստ շրջակա միջավայրի մաքրության, ապա կգա ժամանակը, երբ համամոլորակային խնդիրների ցուցակից կկարողանանք ջնջել բնության պահպանության և մաքրության հիմնախնդիրը։
Ապր 5, 2017 | Մեր առօրյան
Ավետիսյան դպրոցը կրթական հաստատություն է, որը գործում է գերժամանակակից և էկոլոգիապես բարենպաստ շենքում: Ամբողջ շենքը առանձնահատուկ բնապահպանական լաբորատորիա է՝ արևային վահանակներով, վերամշակվող անձրևաջրերով և կանաչ տանիքներով: Սակայն միայն շենքային պայմանները չեն, որ յուրահատուկ են դարձնում դպրոցը, այլ նրանում սովորող շնորհաշատ սաները: ,,Շողը,, հյուրընկալեց դպրոցի պատանյաց նվագախմբին, որն իր գեղեցիկ կատարումներով հիացրեց մեզ: Այս տեսակ մշակութային համագործակցություն ունեցանք, որն իր գեղեցիկ շարունակությունը կունենա: Հիշեցնենք, որ Ավետիսյան դպրոցը, ինչպես և ,,Շողը,, գործում են Ամերիկայի Հայ Ավետարանչական ընկերակցության հովանու ներքո
Ապր 5, 2017 | Մեր առօրյան
Հայ Ավետարանչական ընկերակցության և Երևանի «Խորեն և Շուշանիկ Ավետիսյաններ» դպրոցի և համայնքային կենտրոնի հրավերով ապրիլի 5-ին Ավետիսյան կրթահամալիր այցելեց ՀՀ-ում ԱՄՆ դեսպան Ռիչարդ Մ. Միլս Կրտսերը:
Միացյալ Նահանգների դեսպանին և նրա ուղեկիցներին դիմավորեցին համայնքային կենտրոնի և ավագ դպրոցի սաները, որոնք ընդարձակ համայցով հյուրերին ծանոթացրին կրթահամալիրի պայմաններին և հնարավորություններին: Պատանի ուղեվարների բացատրություններից, նրանց վարժ անգլերենից և կրթահամալիրում իր տեսածից տպավորված դեսպանը հայ մանուկներին հրավիրեց զրույցի: Կրթահամալիրի նիստերի սրահում կազմակերպված հանդիպումն առաջին իսկ րոպեներից վերածվեց աշխույժ երկխոսության: Դպրոցականները պարոն Ռիչարդ Մ. Միլս Կրտսերին ուղղեցին իրենց հուզող բազմաբնույթ անկեղծ հարցեր: Պատասխանելով դրանց՝ դեսպանը պատմեց հայ-ամերիկյան բարեկամության, Հայաստանի Հանրապետությունում ԱՄՆ դեսպանատան իրականացրած, ինչպես նաև ընթացիկ ծրագրերի մասին և ինքն էլ իր հերթին նրանց դիմեց հարցերով: Նա Ավետիսյան կրթահամալիրի սաներին հրավիրեց դեսպանատան ֆեյսբուքյան էջ՝ ծանոթանալու իրենց ձեռնարկումներին և առաջարկեց դառնալ դրանց մասնակիցը:
Հանդիպման ավարտին պարոն Ռիչարդ Մ. Միլս Կրտսերը կրթահամալիրին նվիրեց անգլերենի խորացված ուսուցման ձեռնարկ և ԱՄՆ տեսարժան վայրերի նկարների հավաքածու:
Եվ վերջում՝ հրաժեշտի լուսանկար կրթօջախի նախասրահում:
At the invitation of the Armenian Missionary Association of America and the Khoren & Shooshanig Avedisian School and Community Center, Mr. Richard Mills, Ambassador Extraordinary and Plenipotentiary of the United States of America to the Republic of Armenia visited the Avedisian Educational Complex on April 5 2017. He was accompanied by Hasmik and Dianna who coordinate the educational programs of the Embassy. Three students gave the Ambassador a tour of the school facilities showing him the solar panels, the classrooms the labs, the robotics facilities, the library, the trash museum and the gymnasium. The Ambassador chatted with the students working in the labs asking them about their work and interests. The tour guides informed the Ambassador of the formal and non-formal educational programs of the school.
Following the tour Mr. Mills, met with the High School students in a friendly atmosphere. The Ambassador addressed the students expressing his admiration of the school and told them about the importance of students feeling free to ask questions and think for themselves. He expressed his admiration for the environmentally friendly building and the environmental practices of the school. This was one reason why many innovations take place in America. He then invited the students to ask questions. The students expressed their concerns about the educational systems in both countries, asked numerous questions and got comprehensive answers. Mr. Mills was indeed impressed with the students’ knowledge, social skills and fluency in the English language. He congratulated the Principal Melanya Geghamyan for the outstanding education that the school provides. He invited the students to visit the US Embassy Facebook page and learn about various educational and exchange programs.
At the end of the visit the Ambassador presented Mrs. Geghamyan with several books on practical English in-class activities and a book depicting Washington D.C. in its old and new shades. In return the students presented Mr. Mills with Avedisian School Book describing the establishment of the school and its innovational projects.
