Երգ-երաժշտության դասին
Աշակերտ – Ամեն անգամ մոռանում եմ Արամ Խաչատրյանի երկրորդ հայտնի բալետի անունը:
Ուսուցիչ – Իսկ դու ամեն անգամ հիշիր ձեր ֆրանսերենի ուսուցչուհուն և չես մոռանա:
Աշակերտ – Հասկացա՜, Արամ Խաչատրյանը գրել է «Սպարտակ» և «Տիկին Գայանե» բալետները:
Հոլովը
Ուսուցիչ – Գոյականը ո՞ր հոլովում է ստանում «ով» վերջավորությունը:
Աշակերտ — Որդիական:
Շախմատի հեռավար դաս 4-րդ դասարանում
Աշակերտ — Վա՜յ, պարո՛ն ուսուցիչ, այդ ի՞նչ է Ձեր հետևում՝ դաշնամո՞ւր:
Ուսուցիչ — Այո՛:
Աշակերտ — Յոթ տարի հետո ես կավարտեմ երաժշտականը, դեռ նոր եմ ընդունվել, և կգամ ձեր տուն՝ դաշնամուր նվագելու:
Ծնողները քննարկում են իրենց տղաների քաշկռտուքը
-Իմ Լևոնը կռվարար չէ, նա դաստիարակված երեխա է:
-Իմ Դավոյին էլ դրդել են, որ խփի:
— Բալի՛կ ջան, դո՞ւ ինչի ձեն չես հանում, դու չէի՞ր կռվում:
— Չէ, մամ ջան, ես «տռենեռն» էի. ասում էի, թե ով խփի, ում խփի, ոնց խփի …
Փոխադրություն 3-րդ դասարանում
Պետք է գրել՝ «Վարդանը գնաց բանջարանոց»։
Աշակերտ (մոռացել էր բանջարանոց բառը) – Ընկե՛ր Հովհաննիսյան, էն ծաղկակաղամբանոցի անունն ի՞նչ էր։
Լուրջ դասղեկը
— Այսօր մեր դասղեկը հումորի զգացումը կորցրել էր:
— Ի՞նչ իմացար:
— Ալեքսի ոչ մի կատակին չժպտաց:
Առաջին դասարանում
Ուսուցիչ — Կ, ր, ի, ա — ի՞նչ ստացվեց, կարդա՛:
Լռություն:
Ուսուցիչ – Կրկնում եմ, նայի՛ր՝ կ, ր, ի, ա: Ի՞նչ ստացվեց:
Դարձյալ լռություն:
Ուսուցիչ – Ցույց եմ տալիս, նայի՛ր տառերին. կ, ր, ի, ա-ի՞նչ ստացվեց, դե կարդա՛:
Աշակերտ – Ստացվեց մուլտիկի черепаха-ն:
Անգիր հատված՝ «Վերք Հայաստանի»-ի «Հառաջաբան»-ից.
Աշակերտ- «Թո՛ղ ինձ այսուհետև տգեղ կանչեն. լեզուս բաց ա էլել, ի՛մ ընտիր, ազիզ, ի՛մ սրտի սիրեկան ազգ…»
Գրականության դաս 8-րդ դասարանում
Ուսուցիչ — «Ոչ ոք ըսավ. հե՛ք տղա,
Արդյոք ինչո՞ւ կմխա,
Թերևս ըլլա գեղանի,
Թե որ սիրեմ, չմեռնի»:
Աշակերտ – Պետրոս Դուրյանի «Լճակի» այս տողերից հասկանում ենք, որ Դուրյանը ծխող էր: Բայց շատ ափսոս, չէ՞ որ նա դեռ պատանի էր…
Պատասխան 5-րդ դասարանի աշխատանքային տետրի հարցին
Հարց — Ի՞նչ ես հասկանում «մայրենի լեզու» ասելով:
Պատասխան — Մայրենի լեզու ասելիս ես հասկանում եմ, որ դա իմ հարազատ մայրն է, իսկ օտարը այդքան էլ հարազատ չի:
