Հարաւ գաղթող արագիլները, երբ V ձեւով երամ կազմած կը չուեն, անոնցմէ իւրաքանչիւրը երբ իր թեւերը կը թափահարէ, անմիջապէս իր ետեւէն թռչողին վեր բարձրանալը կը դիւրացնէ իր ստեղծած օդի պարապութեամբ, այնպէս որ, այսպիսի երամով թռչիլը կ՛արագացնէ անոնց երթը եւ անոնք նուազագոյն 71% աւելի հեռու կրնան թռչիլ, քան իւրաքանչիւրը առանձին: Երբ արագիլ մը դուրս գայ երամէն, կը զգայ որ դանդաղեցաւ, անմիջապէս կը վերադառնայ ու կը միանայ երամին: (ավելին …)
Հանրակառքին մէջ ծերունի մը նստած էր՛ ձեռքին մէջ ծաղկեփունջ մը: Հանդիպակաց կողմը դեռատի աղջիկ մը նստած տեղէն անդադար ծաղկեփունջին կը նայէր: Ծեր մարդուն աչքերէն չէին վրիպած պարմանուհիին նայուածքները: (ավելին …)
Հայրը նստած, ձեռքի թերթին վրայի աշխարհի քարտէսին կը նայի, որուն վրայ կարմիրով նշուած են այն վայրերը, ուր պատերազմներ, կռիւներ, յարձակումներ, սպաննութիւններ, առեւանգումներ, բռնարարքներ, բռնաբառութիւններ եւ նման աղէտներ տեղի կ՛ունենան: Քարտէսը լեցուն է այդ կարմիր նշաններով: Մարդը ջղայնացած կը պատռտէ թերթն ու գետին կը նետէ: (ավելին …)
Հայր մը իր դիւրագրգիռ, ջղային զաւկին դաս մը տալու համար, տոպրակ մը գամ կու տայ անոր ու կը թելադրէ, որ իւրաքանչիւր անգամ ջղայնանալուն, պարտէզի ցանկապատին վրայ գամ մը գամէ: (ավելին …)
Ոչնչի մասին չի մտածում միայն նա, ով ոչինչ չի կարդում:
Դենի Դիդրո
Խանութի մը դրան վրայ ցուցատախտակ մը կախուած էր, որուն վրայ գրուած էր՝ «Ծախու Շնիկներ»: Տղեկ մը մօտեցաւ խանութին տիրոջ եւ հարցուց թէ քանի՞ է շնիկին գինը:
-30-էն 40-ի միջեւ պատասխանեց խանութպանը: Տղեկը ձեռքը գրպանը տարաւ ու դուրս բերաւ ինչ որ կար այդտեղ:
-Մօտս 2 տոլար եւ 37 սէնթ ունիմ,- ըսաւ,- հաճիս, կրնա՞մ նայիլ անոնց: Մարդը ժպտեցաւ ու սուլեց, եւ ահա, ներսէն դուրս վազեցին հինգ շնիկներ, որոնցմէ վերջինը կաղալով կը յառաջանար. տղեկը անմիջապէս մատնացոյց ըրաւ կաղացող շնիկն ու ըսաւ՝- ես այդ շնիկը կ՛ուզեմ գնել: Խանութպանը զարմացաւ տղեկին ընտրութեան վրայ ու ըսաւ՝ — գնելու պէտք չունիս, ես զայն քեզի ձրի կու տամ:
Տղեկը անհանգստացաւ, շեշտակիօրէն մարդուն աչքերուն նայելով ըսաւ՝-Չեմ ուզեր որ զայն ինծի ձրի տաս, այս շնիկը իրաւունք ունի միւսներուն նման իր արժէգինը ունենալ, ինչո՞ւ անարժէք պիտի ըլլայ. ես կ՛ուզեմ լման վճարել. ես հիմա քովս ունեցածը կու տամ եւ կը խոստանամ ամէն շաղաթ 50 սէնթ բերել, մինչեւ պարտքս վերջանայ:
-Տղաս, ան երբեք պիտի չկարենայ վազել, ցատքել, խաղալ քեզի հետ, ինչո՞ւ անպայման զայն կ՛ուզես: Տղեկը ծռեցաւ, տաբատին վարի մասը վեր բարձրացուց ու ցոյց տուաւ իր Խեղուած ոտքը, որ մետաղեայ ձողերով բռնուած էր ու նայելով խանութպանին մեղմ ձայնով ըսաւ՝- ես ալ լաւ չեմ կրնար վազել ու ցատքել, այս շնիկը պէտք ունի մէկուն, որ իր վիճակէն լաւ կը հասկնայ…
* * *
Երբեմն մենք ալ որոշ մարմնական թերութիւններ ունեցող մարդոց, տարբեր աչքով կը նայինք, ճի՞շդ կ՛ընենք: Տղեկը լաւ դաս մը տուաւ:
Յակոբ Միքայէլեան
(Բնագիրը՝ «Բաց պատուհան» գիրքիս մէջ)
